revistaretranca.com

RETRANCA Nº 33: 20-N A FIN DO MUNDO XA ESTÁ AQUÍ!!!

2011-11-23T00:47:00.000-08:00

Enganáronnos... o que realmente se adiantou non foron as eleccións, foi a chegada da Fin do Mundo. Ainda que moitos escépticos sigan decindo que os Maias pronosticaron a fin do mundo para o 2012, porque foi a última data que lles collía na pedra onde gravaron as súas apocalípticas prediccións... o certo é que xa é indiscutible que o mundo cada día está peor.

E se o mundo está feito unha merda, Galicia está moito peor... os síntomas de que a fin está cerca son clarísimos: O NOVO PRESIDENTE DO GOBERNO É GALEGO, vai ser un show ver a Rajoy tomando decisións á galega ante as presións da Merkel. (RAJOY:- Merda!! teño que aprender idiomass... o libro de instruccións para sacar a España da crise está escrito en Alemán!!).

En Galicia xa víamos dende hai meses como chegaba a fin das Caixas... estaba claro que TRAS A FUSIÓNS DAS CAIXAS... CHEGARÍA A FUSIÓN DO NÚCLEO.

Outros síntomas de que chega a fin do mundo é que Fraga acaba de xubilarse... e a Xunta decidiu PARALIZAR A CONSTRUCCIÓN DA CIDADE DA CULTURA!!!

Polo tanto non vos podedes perder este número de RETRANCA, xa que, se se acaba o mundo ESTE PODERÍA SER O ÚLTIMO NÚMERO DE RETRANCA!!!... mercádeo antes de que todo se vaia a merda!!!... marchádevos ao outro mundo cun sorriso!!! ... ademais a revista é tan manexable que ata poderedes botar un polvo mentras a ledes!!!

A FODER E A LER QUE O MUNDO VAI MORRER!!!

Saúdos retranqueiros,

A Santa Compaña.

4º CABODANO DA REVISTA RETRANCA

2011-11-04T04:57:00.000-07:00

Este ano celebramos o noso 4º Cabodano uns días máis tarde (sempre o facemos a noite de Samaín), por mor da axenda do noso convidado de luxo, o Gran CARLOS BLANCO, que virá a darnos o pésame.

Xa batemos todos os récords, levamos 4 anos saíndo aos quioscos galegos, con intento de secuestro incluído e moitas dificultades. Pero, a pesar da crise e da que está caendo, aínda seguimos aquí dando guerra aos políticos, banqueiros e demais fauna.

Estamos pechando xa o número 33, que en breve chegará aos quioscos. 33 a idade de Cristo, seguro que desta vannos crucificar!!

É un número apocalítico e que o presentaremos na nosa festa mortuoria o vindeiro 17 de novembro ás 20 h. No Café Moderno de Pontevedra. O cartaz anunciador do cabodano daravos unha pista da temática do novo número da Retranca (a ver se acertades).

Estades todos/as convidados/as á vir celebrar con nós o noso 4º Cabodano, porque cando comezamos moitos foron os que auguraban a nosa morte, coitados... non sabían que xa estabamos máis alá do Alén. Moitas grazas por estar ahí, e por mercar a revista, que por desgraza é xa unha das pouquísimas publicacións en papel feitas en galego que se poden mercar nos quioscos (Salvámonos por que non dependemos de Subvencións... que se non).

Pois iso, vos seguide mercando Retranca, que nós faremos todo o posíbel por facervos rir.

Saúdos retranqueiros,

A Santa Compaña.

4º CABODANO DA REVISTA RETRANCA

Día: Xoves 17 de Novembro de 2011

Lugar: Café Moderno PONTEVEDRA

Hora: 20 h

RETRANCA 32 # GALEG@S INDIGNAD@S

2011-08-03T09:05:00.001-07:00

Chega o número 32 de RETRANCA, máis indignado cá nunca e cunha fantástica portada de MEL. Un número que naceu, ao igual cá o movemento 15M, no Facebook. Fixemos unha votación entre os lectores que nos seguides no Facebook e este foi o tema máis votado, así que pódese dicir que este número xestouse nunha asamblea ;)

Como ademais ocorreron outras cousas destacables nestas última semáns fixemos algunhas páxinas sobre elas...

1.- Un póster central sobre a desaparción do Códex Calixtinus... (lóxicamente esto é un fragmento, se queres atopalo terás que mercar a revista, que como non nos merquedes imos acabar igual que Xornal de Galicia ou a Nosa Terra ou Galiza Hoxe... nós dependemos de vós... non temos subvencións!!!)

2.-Unha páxina de Kohell sobre o famoso dicionario da historia que parece que o escribiu o mesmísimo Pío Moa... ou Losantos ou algúns dos piraodistas de Intereconomía.

3.- E ata algún chiste sobre o follón da Sgae. Da morte de Amy Winehouse, enterámosnos coa revista xa na imprenta, pero a verdade non é un tema de risa.

4.- Presentamos a Berto Fojo, un novo colaborador que retrata a todos os Indignados que saíron á rúa.

5.- E ademáis coa chegada dos novos alcaldes aos concellos comeza unha nova serie ALCALDE HONRADO (si, parece incrible pero algún aínda queda), de Víctor Rivas & Josep Busquet.

Xa vedes que este novo número ven repleto de cousas divertidísimas... así que correde ao quiosco a encargar o número Indignado da Retranca, chea de reivindicacións e de análises do acontecido dende as pasadas eleccións co movemento 15M.

Saúdos retranqueiros

A Santa Comapaña

RETRANCA Nº 31. ELECCIONS MUNICIPAIS 2011

2011-05-16T07:07:00.000-07:00

Retranca chega o seu número 31 cunha auténtica Guía das eleccións municipais. Pero como sabemos que moitos políticos pódense aproveitar vilmente dos nosos trucos infalibles para captar votos e que ademais sabemos que o que sae en Retranca moitos lectores tómano en serio... decidimos que para non influir no resultado electoral, imos chegar aos quioscos despois das eleccións. Iso si, xa podemos adiantarvos o resultado electoral: GAÑARON TODOS OS PARTIDOS (coma sempre, ninguén vai admitir a súa derrota... vamos que as eleccións é o máis parecido aos concursos escolares... o importante é participar!!). Agardamos que vos divirta e sobre todo gardádeo que seguro que vos vai ser moi útil para as vindeiras eleccións.

Ademáis adiantámosnos a WIKILEAKS e publicamos as fotografías de BIN LADEN que o goberno dos EE.UU non nos quixo ensinar!!!

Saúdos Retranqueiros,

A Santa Compaña.

APRENDE A DEBUXAR A FIZ!!!

2011-05-11T13:13:00.000-07:00

RETRANCA EDITORA e a Libraría PAZ de Pontevedra convída a todos os nenos e nenas que a que veñan o vindeiro sábado 14 de maio ás 12 da mañá a aprender a debuxar a FIZ, o neno máis porco do mundo. Poderán ademais facerse cun exemplar da revista FIZ e levalo asinado por Kiko da Silva. Todos os nenos e nenas que participen no obradoiro, levarán un globo voador de FIZ de agasallo.

Inscríbete na Libraría PAZ, rúa Peregrina nº 29

teléfono 986 860 471 AFORO LIMITADO.

Ademais o domingo 15 de maio presentamos FIZ, a revista do neno máisporco do mundo, na feira do libro de A Coruña as 19 horas.

PRESENTACIÓN DA REVISTA FIZ, a revista do neno máis porco do mundo !!!

2011-05-05T05:14:00.000-07:00

RETRANCA EDITORA e a librería MICHELENA, comprácense en convidalos á presentación da revista de banda deseñada para nenos: FIZ, A REVISTA DO NENO MÁIS PORCO DO MUNDO. Unha gran aposta pola bd infantil que conta cunha tiraxe de 5000 exemplares en galego para Galicia e 20.000 en castelán para o resto do Estado.

Máis información:http://kikodasilva.blogspot.com/2011/03/fiz-la-revista-del-nino-mas-puerco-del.html

A presentación terá lugar o venres 6 de maio ás 20 horas na librería MICHELENA de Pontevedra. Haberá contacontos porcañentos e os nenos e nenas asistentes poderán levar un globo de agasallo e facerse cun exemplar da revista asinado!!!

En breve anunciaremos a dirección da web de FIZ!!!

Non faltedes!!! Saúdos retranqueiros

RETRANCA Nº 30: INAUGURAN A CIDADE DA CULTURA GALEGA BALEIRA !!!

2011-03-03T07:59:00.000-08:00

COMEZAR A CASA POLO TELLADO...!!!

Custou catro veces máis do orzamentado pero xa está inaugurada a Cidade da Cultura, ben toda non, só unha parte, pero todo o mundo sabe o que lles gusta aos políticos inaugurar obras sen terminar. Está xa o megachabolo feito, pero aínda non saben que carallo van meter dentro. Polo de agora meteron unha biblioteca (que como é algo moi culto quedará moi mal o que proteste), pero en Retranca preguntámonos: se xa os editores falan de vender libros virtuais, de que o formato papel vai desaparecer nuns anos, non era mellor que gastasen os cartos en facer un servidor para arquivar datos on-line?. Pero o que máis nos sorprendeu foron as “xoias” da literatura galega que nos atopamos para facer vulto nesta biblioteca: guías de Cepsa, os marabillosos tochos sobre Fraga Iribarne, enciclopedias nas que aínda existe Iugoslavia, manuais de programación Basic e as xoias da literatura infantil e xuvenil “galega” Las aventuras de los cinco!!!

Só coñecemos a uns cidadáns galegos encantados con esta mole, e non son precisamente políticos, non... falamos dos skaters, que por fin viron realizado o seu soño de ter un sitio onde poder facer piruetas coas súas táboas.

Como vemos que non teñen nin idea con que encher o Gaiás fixemos este número de Retranca, o número 30 (si, si, para que logo digan que non chegariamos nin ao número 2!!), dámoslle a Feijoo unha chea de ideas para encher o supergarito.

As malas linguas dicían que a Cidade da Cultura era o mausoleo de Fraga, que quería que o enterrasen dentro ao ver que non podía ser enterrado no Panteón dos Galegos ilustres. Canto fala barato solto hai neste país carallo, co que está a recortar a Xunta os orzamentos en cultura, isto é un macro nicho para enterrar a cultura galega dentro!!

E para daquela, a misa xa se dará en “spanglish”.

Saúdos Retranqueiros.

A SANTA COMPAÑA

RETRANCA NOMINADA Á MELLOR REVISTA NO 29º SALÓN DO CÓMIC DE BARCELONA

2011-03-01T04:48:00.000-08:00

Señoras e señores...despois de máis de tres anos nos quioscos galegos, e con 30 números ás costas, unha revista galega e en galego (pero sen subvencións), consegue estar nominada na categoría de Mellor Revista no prestixioso Salón do Cómic de Barcelona.

Moitas grazas a todos/as que nos votaron. Para nós isto xá todo un premio, agora a sorte está botada!!!

Por outra banda, todos os nosos lectores que nos queiran votar nos Premios Populares poden facelo pinchando AQUÍ.

Saúdos Retranqueiros,

A Santa Compaña.

REVISTA RETRANCA Nº 29 CON QUEN CARALLO ESTÁ FALANDO FEIJOO???

2010-12-31T05:01:00.000-08:00

Descubre con quen está falando "Frijolito" no teu quiosco !!!

FELIZ ANO 2011 (A ver se é bo que no 2012 chega o fin do mundo!!!)

Saúdos Retranqueiros,

A Santa Compaña.

RETRANCA 29 - CON QUÉN CARALLO ESTÁ FALANDO FEIJOO?

2010-12-10T07:52:00.000-08:00

Con quén está falando Feijoo? ... Por que está tan "acojonao"?

-Estará falando con Pepiño Blanco sobre a chegada do AVE a Galicia?
-Con Zapatero que lle informa dos presupostos para o 2011?
-Ou cós controladores dos aeroportos galegos?

Nós sabemos quén está ao outro lado do teléfono... Atréveste a adiviñalo?

HABEMUS RETRANCA !!! ... XA ESTAMOS NOS QUIOSCOS.

2010-11-05T14:18:00.000-07:00

XA ESTAMOS NOS QUIOSCOS !!! EXCLUSIVA RETRANQUEIRA: O PAPA XA LEU RETRANCA.

Pois si, con moitas dificultades pero dende esta mañá xa estamos nos quiscos !!! Correde a polo voso exemplar antes de que os merquen todos os fans de Ratzinguer para facer unha fogueira con eles.

Nós regalámoslle un exemplar ao Bieito XVI, e moloulle tanto que ata nos puxo publicidade no Papamóbil (pagándolle claro, que este non fai nada jratis). Se é que xa o din ata en Murcia... estos de Retranca son o demo !!!

Graciñas a todos e todas polo mensaxes de apoio... e gracias tamén aos que nos mandaron mensaxes poñéndonos a parir... xa o sabemos, somos uns blasfemos e iremos ao inferno... pero que carallo, alí estase máis quentiño e está todo cheo de mulleres pecadoras, como para non querer ir!!

Saúdos Retranqueiros,

A Santa Compaña.

O PAPA RODEADO DE PASTA NON, MONXAS CHUPANDO PISTOLAS SI

2010-11-02T05:34:00.000-07:00

(Galego)

A extraña moralidade da imprenta Jimenez Godoy de Murcia non deixa de sorprendernos... Resulta que os amigos de Vilagarcía de Arousa que editan a revista Scifiworld tamén imprimen en Jimenez Godoy. Curiosamente a nosa revista especial visita do Papa que amosaba ao Papa rodeado de billetes de 500 euros, feriu fondamente a súa moral cristiana, pero a capa do mes de outubro de Scifiworld cunha monxa chupando unha pistola non... E a cousa non acaba aquí... dentro hai imaxes tan cristiás como estas... Non hai nada como a coherencia empresarial desta imprenta. Agardemos que aos colegas de Scifiworld non lles fagan o mesmo que a nós!!!

(En Español)

La extraña moralidad de la imprenta Jiménez Godoy de Murcia no deja de sorprendernos... Resulta que los amigos de vilagarcía de Arousa que editan la revista Scifiworld también imprimen en Jiménez Godoy. Curiosamente nuestra revista especial visitia del Papa que mostraba al Papa rodeado de billetes de 500 euros, hirió profundamente la moral cristiana de la empresa, pero la portada del mes de octubre de Scifiworld con una monja chupando una pistola no... Y la cosa no temina aquí... dentro hay imágenes tan cristianas como estas... No hay nada como la coherencia empresarial de esta imprenta. ¡¡¡Esperemos que a los amigos de Scifiworld no les hana lo mismo que a nosotros!!!

A REVISTA RETRANCA "SECUESTRADA" POLA IMPRENTA

2010-10-26T05:06:00.000-07:00

NOTA DE PRENSA (Galego):

A revista Retranca, especial visita do Papa, "secuestrada" pola imprenta

O número da revista Retranca que estaba a piques de saír, que tiña como tema central a próxima visita do Papa a Galicia, acaba de ser secuestrado pola imprenta. Os propietarios da empresa Imprenta Jiménez Godoy, radicada en Murcia, néganse a entregar os exemplares da revista para a súa distribución, aducindo o seu desacordo moral co contido da mesma.

Nunha conversa telefónica mantida con Kiko da Silva, director de Retranca, o dono de Imprenta Jiménez Godoy explicou que a revista, aínda que xa estaba impresa e lista para o envío á distribuidora, non se ía entregar porque a empresa que dirixe estaba en total desacordo “co ataque ao Papa e á Igrexa”. É a primeira vez que unha imprenta, cun traballo xa impreso e cun contrato de por medio, decide unilateralmente non entregar a publicación alegando a súa disconformidade cos contidos da mesma. Retranca deixa claro que foi a imprenta a que acudiu á nosa empresa para ofrecerse a imprimir a nosa publicación, sabendo de sobra que se trata dunha revista satírico-política.

Desde Retranca queremos tranquilizar aos nosos lectores anunciando que o número secuestrado estase a imprimir xa noutra imprenta e que chegará aos quioscos en breve.

Tamén queremos facer público que estamos tratando cos nosos avogados para tomar medidas contra os danos e prexuízos causados polo incumprimento de contrato da Imprenta Jiménez Godoy.

Retranca é unha revista galega de humor satírico que leva nos quioscos desde o ano 2007 e que o vindeiro sábado día 30 de outubro celebrará o seu terceiro aniversario cun acto no Café Moderno de Pontevedra ás 20.00 horas. Retranca, a primeira revista galega de humor que consegue sobrevivir sen subvencións, recibiu na súa curta existencia o Premio do Público do Salò do Cómic de Barcelona e acaba de recibir o Premio Ourense á Mellor Iniciativa de Banda Deseñada.

O número era un especial sobre a visita do Papa a Galicia, e conta como autores invitados a colaboradores de la revista EL JUEVES (Jordi March, Guillermo, Manuel Bartual , Fer e Bernardo Vergara) ademais dos colaboradores habituais da revista.

http://www.revistaretranca.com/

Contacto Kiko Da Silva

revista.retranca@gmail.com

NOTA DE PRENSA (Castellano):

La revista Retranca, especial visita del Papa, "secuestrada" por la imprenta

El número de la revista Retranca que estaba a punto de salir, que tenía como tema central la próxima visita del Papa a Galicia, acaba de ser secuestrado por la imprenta. Los propietarios de la empresa Imprenta Jiménez Godoy, radicada en Murcia, se niegan a entregar los ejemplares de la revista para su distribución, aduciendo su desacuerdo moral con el contenido de la misma.

En una conversación telefónica mantenida con Kiko da Silva, director de Retranca, el dueño de Imprenta Jiménez Godoy explicó que la revista, aunque ya estaba impresa y lista para el envío a la distribuidora, non se iba a entregar porque la empresa que dirige estaba en total desacuerdo “con el ataque al Papa y a la Iglesia”. Es la primera vez que una imprenta, con un trabajo ya impreso y con un contrato de por medio, decide unilateralmente no entregar la publicación alegando su disconformidad con los contenidos de la misma. Retranca deja claro que fue la imprenta la que acudió a nuestra empresa para ofrecerse a imprimir nuestra publicación, sabiendo de sobra que se trata de una revista satírico-política.

Desde Retranca queremos tranquilizar a nuestros lectores anunciando que el número secuestrado se está imprimiendo ya en otra imprenta y que llegará a los quioscos en breve.

También queremos hacer público que estamos tratando con nuestros abogados para tomar medidas contra los daños y perjuicios causados por el incumplimiento de contrato de la Imprenta Jiménez Godoy.

Retranca es una revista gallega de humor satírico que lleva en los quioscos desde el año 2007 y que el próximo sábado día 30 de Octubre celebrará su tercero aniversario con un acto en el Café Moderno de Pontevedra a las 20.00 horas. Retranca, la primera revista gallega de humor que consigue sobrevivir sin subvenciones, recibió en su corta existencia el Premio del Público del Salò del Cómic de Barcelona y acaba de recibir el Premio Ourense a la Mejor Iniciativa de Banda Deseñada.

El número era un especial sobre la visita del Papa a Galicia, y cuenta como autores invitados a colaboradores de la revista EL JUEVES (Jordi March, Guillermo, Manuel Bartual , Fer e Bernardo Vergara) además de los colaboradores habituales de la revista.

www.revistaretranca.com

Contacto Kiko Da Silva

revista.retranca@gmail.com

3º CABODANO DE RETRANCA !!!

2010-10-19T11:03:00.001-07:00

Quen nolo ía decir, xa pasaron 3 anos dende que Retranca chegou por primeira vez aos quioscos. E todo gracias a vos, os nosos lectores que mercades a revista a pesar da crise e facedes posíbel que exista unha publicación humorística en galego sen censura, e o máis importante, todo isto conseguímolo sen subvencións. Si, porque ainda que pareza incríbel, pódese publicar en galego sen cartos públicos, e é grazas a que hai lectores e lectoras interesados na crítica política, e intelectual que facemos... vaaale dacordo estades intesados en ver como poñemos aos políticos unha flor no cú (pero así quedaba menos finolis). Pois iso, que voltamos a celebrar o noso cabodano e aprobeitamos a convidarvos a cerimonia.

Pero este ano vai ser especial... celebramos os tres anos de Retranca cun número extra sobre a inminente invasi... digooo visita do Papa a Galicia. Ten 64 páxinas e convidamos a debuxantes amiguetes a colaborar con nós, así aparte dos nosos autores habituais, neste número contamos con Guillermo (si, o da famosa portada censurada de El Jueves), Fer, Manuel bartual, Jali, José Domingo, Anthony Garner e Jordi March. Un número cheo de pecados, cun póster central de V de BENDITA deseñado por Leandro e Guitián e moitas sorpresas máis.

Non podedes faltar, este ano somos tan importantes que ven celebrar o noso 3º cabodano o mesmísimo Papa Ratzinguer... ademais haberá hostias con chourrizo (que sóas non saben a nada) e viño de mesa. E teremos unha Foliada Retranqueira!!!

Pois iso xa sabedes anotade na vosa axenda:

3º cabodano de Retranca

Sábado 30 de outubro as 20:00 h.

No Café Moderno de Pontevedra

(Fundación Caixa Galicia)

Saúdos Retranqueiros,

A Santa Compaña.

RETRANCA PREMIO OURENSE Á MELLOR INICIATIVA DE BANDA DESEÑADA 2010 !!

2010-09-13T05:00:00.001-07:00

O Premio Ourense de Banda Deseñada, que outorga anualmente a Casa dá Xuventude de Ourense e a Concellaría de Cultura para distinguir importantes iniciativas e traxectorias dentro deste sector, recaeu este ano na revista RETRANCA. A revista de humor galego, publicada dende o 2007 por Kiko da Silva, é a única publicación en galego deste tipo que logrou chegar aos 3 anos de vida sen subvencións.

O galardón será entregado no transcurso da inauguración das Xornadas de Banda Deseñada de Ourense, o próximo mes de outubro, e consiste nun trofeo elaborado expresamente para cada edición deste certame polo artista plástico Manolo Figueiras.

Creada en outubro de 2007, Retranca está dirixida por Kiko da Silva e ten como obxectivo facer humor gráfico sen censura e politicamente incorrecto. Pola revista pasaron case a totalidade dos humoristas gráficos galegos actuais e viron a súa obra traducida moitos autores españois, arxentinos e chilenos , unha publicación que deu ademais a oportunidade de publicar a novos valores do humor gráfico tanto galego como español e converteuse nunha cita mensual (aínda que actualmente sae bimestralmente por mor da crise) cós quioscos galegos.

A piques de celebrar o noso 3º Cabodano (si, como todo o mundo dixo que esta revista estaba morna xa nada mais nacer, pois celebramos o noso enterro), non sabemos canto durará Retranca, pero o que xa é certo é que por primeira vez na historia do humor galego podedes gozar dunha publicación irreverente e que se botará moito de menos se chega a desaparecer... se non queredes laiarvos como cando A Nosa Terra anuncio o seu peche, xa sabedes mercade Retranca!!!... só así poderemos seguir dando caña e amosando todo aquelo que a chamada Prensa seria nunca publicará !!!.

Saúdos retranqueiros e moitas grazas a todos/as os que nos ledes (e mercades) que fixeches posíbel que hoxe en día sigamos aquí, tocando os collóns aos políticos.

A Santa Compaña.

RETRANCA 27 BAIXA A NATALIDADE EN GALICIA... HAI QUE FODER MÁIS !!!

2010-08-12T00:56:00.000-07:00

CONTRA A EXTINCIÓN FORNICACIÓN!!!

Os galegos estamos en perigo de extinción, cada vez somos menos. Hai tan poucos nacementos que se nos descoidamos o galego máis mozo vai ser Don Manuel Fraga... Ter fillos é caro, sobre todo agora que van desaparecer as axudas de 2500 euros por fillo de Zapatero. Polo tanto ó único aliciente para facer fillos é que aínda desgravan algo en Facenda. O problema é serio xa que a falta de sexo pode facer que desaparezcamos… lembrade que os dinosaurios morreron porque caeulles un meteorito na cachola ás dinosaurias e despois sempre lles doía a cabeza.

Retranca ten a resposta ao problema desta baixa natalidade en Galicia: o fútbol. Si, si, todo o mundo sabe que cando gaña o equipo dun lugar esa noite fanse nenos a esgalla. Pero claro, como en Galicia xa non hai selección Galega e o Celta e o Dépor andan de capa caída, Non hai maneira de celebrar nada cun canivete. A selección Galega ten que voltar, para que os galegos poidamos chingar !!!.

Saúdos Retranqueiros.
A SANTA COMPAÑA

*Este número libidinoso e cargadiño de sexo trae un magnífico póster de CARMELO MATALOBOS debuxado por Jacobo Fernández, e moitos chistes de xente en pelotas fodendo, que sabemos que agora en verán é o único no que pensa todo o mundo!!!. Corre a reservalo ao teu quiosco de sempre!!!

EXCLUSIVA: O número 28 Retranca cumpre 3 anos, e ímolo celebrar cun número cheo de sorpresas!!!

ATENCIÓN:

Presentación Retranca nº 27 o venres 13 de agosto

ás 12:30 na carpa de Viñetas desde o Atlántico.

Coa presencia de Kiko da Silva, Alberto Guitián e Víctor Rivas.

RETRANCA EN VIÑETAS DESDE O ATLANTICO 2010

2010-08-05T06:49:00.000-07:00

Dende o luns 9 ata o domingo 15 de agosto estaremos en VIÑETAS DESDE O ATLÁNTICO na Coruña. Se pasades polo noso stand podedes mercar os número atrasados de Retranca, e facervos cunha taza Retranqueira para o almorzo, así como asistir á presentación do nº 27 de Retranca, BAIXA A NATALIDADE EN GALICIA... HAI QUE FODER MÁIS!!!

Anotade na vosa axenda:

Presentación RETRANCA Nº 27

venres 13 de agosto.

Hora: 13:30

Lugar: Carpa da feira, na rúa da BD.

Agardámosvos.

Saúdos Retranqueiros,

A Santa Compaña.

O 25 DE XULLO PON A "RETRANCA" GALEGA NA TÚA VIDA !!!

2010-07-23T04:14:00.000-07:00

Que mellor para celebrar o 25 de xullo, Día Nacional de Galicia, que có agarimo dos nosos lectores:

"Meu irmán naceu en Ourense, pero non se acorda de cando viviamos aló. Chámase Víctor e ten dez anos (el rifaríame dicindo que en Outubro cumpre os 11, pero...!) Onte, entre espera e espera puiden levalo á Livraría Torga, situada na rúa da Paz da cidade das Burgas. Nesa fermosa libraría, o meu irmán fixo o descubrimento do verán: a revista Retranca! Cal foi a miña sorpresa cando, no asento de detrás do coche escoitábao rir mentres lía unha viñeta de Kiko da Silva! Incluso fantasiaba cunha canle de televisión galega chamada “Retranca TV”, que terían uns informativos chamados “A nosa Pedra” presentados por un personaxe de primeira: O Carrabouxo. Todo isto, logo de ter durante meses exemplares desa revista na casa; que non conseguiran captar a súa atención. E agora, xa me dixo hai un anaco, disque se considera todo un retranqueiro.
O meu irmán, moi nos seus adentros, está á saborear a Galiza. Está orgulloso de ser quen é; de falar con todo o mundo a lingua que en Barcelona (de momento) só pode falar cos seus achegados."

Extracto do caderno de viaxe do blog CANDO OS OUTROS CALAN de Silvio Falcó

Así que xa sabedes... LER RETRANCA TRANSFÓRMATE EN GALEGO!!

RETRANCA 26 ESTAMOS PERDIDOS!!!

2010-06-11T02:21:00.000-07:00

Neste número de Retranca, falamos das medidas contra a crise de Zapatero, desvelamos a maneira coa que Zp vai conseguir sacarnos da crise. Poñemos a parir a Xubi a nova mascota do XACOBEO, destripamos o final de Perdidos e ainda con recortes e todo seguimos coas nosas series habituais... e ainda por riba Jacobo Fernández deléitanos cun fantástico póster central da actriz galega de Sin tetas no hay paraíso, María Castro.

Ademáis deixámosvos unha reportaxe sobre o humor galego na que falan sobre Retranca e sobre o noso director Kiko da Silva, sobre Xaquín Marín e outros humoristas galegos.

O BO HUMOR (DEBUXADO) por Xosé Manuel Pereiro.

Saúdos Retranqueiros,

A Santa Compaña.

INSPECCIÓN EDUCATIVA CENSURA A "RETRANCA" NO CEIP DE RANDUFE

2010-06-02T06:39:00.000-07:00

A CIG-Ensino denuncia a presión para a retirada dun boletín dun centro tudense que incluía unha chanza gráfica sobre a lingua tirada da revista Retranca.

A reprodución dunha viñeta alusiva ás "inclinacións anglófilas" do presidente da Xunta, feita pública na revista de humor Retranca nº 24 e incluída no boletín do Equipo de Normalización Lingüística do CEIP de Randufe, en Tui, acendeu a polémica na comunidade educativa.

Máis información en Vieiros.

A publicación có debuxo de Kiko da Silva en Retranca AQUÍ.

A resposta da administración AQUÍ.

A resolución do CEIP de Randufe AQUÍ

(Resúltanos alagador que digan da nosa caricatura que é irrespetuosa e insultante hacia a figura do Presidente da Comunidade Autónoma, pero un apuntamento señor inspector irrespetuosa e insultante é a actitude que ten a administración pública hacia o noso idioma!!!). Isto é alucinante, semella que agora os rapaces de 12 anos non poden ler NADA que diga que o Presi fai algo mal, ten que ir á misa todo o que el diga ainda que moitos pensemos que se equivoca... Liberdade de expresión... onde carallo estás?

Dende Retranca apoiamos aos mestres do Equipo de Normalización Lingüística do CEIP de Randufe, e ofrecemos toda a colaboración que poidamos para axudarlles ás labores de promoción do galego.

Saúdos Retranqueiros,

A Santa Compaña

CELEBRAMOS O DÍA DAS LETRAS TRILINGÜES!

2010-05-17T09:00:00.000-07:00

Retranca faise eco deste agasallo de Leandro e Guitián, autores de TEMAS DE HOXE, aos lectores retranqueiros:

"A VER, HO! Celebra o Día das Letras Trilingües con jeito!! Agora podes descargar o poster de Galicia en 80 Concejos en HI_RES. Unha edición limitada, en primoroso PDF tamaño A3 que podes baixar aquí. Só para os 100 máis fast and fourious.

...por unha vez, esa carallada que poñemos sempre de "also available in PDF" non é unha FALACIA! "

RETRANCA 25 OS CHISTES DE ROSA DÍEZ !!!

2010-04-17T03:24:00.000-07:00

Din os vellos das aldeas galegas que as Bruxas, habelas hailas... e teñen razón, pero agora ademais sabemos tamén como se chaman: Rosa Díez. Para os que non saben de que vai todo isto recordamos o follón: A finais de febreiro nunha entrevista no programa de Iñaqui Gabilondo a lideresa de UPyD, Rosa Díez dixo que "Zapatero podería ser Gallego en el sentido más peyorativo de la palabra" e quedouse tan ancha a tipiña. Ao día seguinte, tras a morea de críticas dos galegos a Rosiña Díez dixo que había que ter máis sentido do humor. En Retranca que somos un galegos moi pexorativos e que nos tomamos todos como di Rosa Díez con humor, quixemos darlle unha pouca da súa propia medicina. Por iso creamos un novo tipo de chistes... OS CHISTES DE ROSA DÍEZ.
E a cousa parece que gustou, porque dende a nosa web, o noso Facebook os nosos lectores enviáronnos máis de 450 chistes de Rosa Díez. Neste número publicamos unha selección dos mellores chistes pexorativos...
ós temos algunhas preguntas: Acaso UPyD son as siglas de Unión de Peyorativos y Despectivos? Agora que se achegan as eleccións galegas, nós preguntámonos... volverá Rosa Díez a presentarse?... ou mellor aínda, haberá algún galego tan imbécil como para votarlle?
Rosa Díez quere que lle VOTEN, pero conseguiu que a BOTEN!

Saúdos Retranqueiros.
A SANTA COMPAÑA

Ademais contamos todos os preparativos da quedada dos fans de Star Wars o vindeiro día 21 de Maio en Compostela, para homenaxear o 30 aniversario da estrea do filme "O IMPERIO CONTRAATACA". Se queredes asisitir ao evento anotádevos na web oficial

ROSA DÍEZ NON VOTA RETRANCA !!!

2010-03-03T19:26:00.000-08:00

Demostrémoslle á ROSIÑA DÍEZ que os galegos somos a hostia... e triunfamos ata en cataluña. Votade RETRANCA como Mellor Revista no Premio do Público do Saló do Cómic de Barcelona 2010. Dádenos o voso voto AQUÍ.

Xa sabemos que os partidos políticos piden o voto a cambio dun bocata ou un posto na Deputación. Pero tede compaixón de nós que se agardamos polo voto dos "milleiros" (HA,HA,HA)de votantes da Rosa Díez non gañaremos nunca.

Grazas a todos polo apoio

Nós estamos seguros de que MALO SERÁ!

Saúdos Retranqueiros,
A Santa Compaña.

Retranca crea OS CHISTES DE ROSA DÍEZ !!!

2010-02-25T13:15:00.000-08:00

RETRANCA crea un novo tipo de chistes:

OS CHISTES DE ROSA DÍEZ!!!

Mándádenos os vosos chistes de Rosa Díez e irémolos publicando na nosa web. Os máis divertidos sairán no nº 25 da revista Retranca no mes de abril.

Aquí tedes unha mostra deste novo xénero do humor!!!

Estaba Rosa Díez un día tomando algo cun coñecido nun bareto de Madrid e dille:

Rosa Díez: –Voy a contarte un chiste de gallegos buenísimo.

Galego: – Oes, recórdoche que eu son galego.

Rosa Díez: –No te preocupes, hombre... ¡Te lo explico depués!.

-------------------------------------------------------------------------------

Como recoñecían a Rosa Díez cando ía ó colexio ? Pois porque era a única que cando o mestre borraba o encerado, Rosa Díez borraba o seu caderno.
--------------------------------------------------------------------------------
Como sabes si está Rosa Díez nun submariño ? Pois porque é a unica que esta aguantando a respiración.
--------------------------------------------------------------------------------
Por que a casa de Rosa Díez ten as xanelas redondas? Pois para que poida entrar o sol.
--------------------------------------------------------------------------------
Por que o coche de Rosa Díez leva limpiabrisas no vidro de atrás? Por si chove á volta.
--------------------------------------------------------------------------------
Por que Rosa Díez tápase os ollos cando se pon crema? Porque pon crema "Nivea".

--------------------------------------------------------------------------------

Un policía detén a Rosa Díez e dille:- Deme o seu nome e apelido. E la responde: - Está Ud. loco? Y yo después como me llamo?

Manda os teus chistes de Rosa Díez a: revista.retranca@gmail.com

Axúdanos a facer un número retranqueiro para foder a Rosa Díez no termo máis filloputil da palabra!!!

RETRANCA 24. DOUS POR UN!!!

2010-02-16T05:17:00.000-08:00

Este mes Retranca ten dúas capas... últimamente grazas a Feijoo temos tantos temas de actualidade, que este mes tivemos que facer un número con temática dobre!!!... dúas portadas, dúas temáticas pero polo mesmo prezo, non vos queixedes. ;)

FUSION POLAS SÚAS BALLS

DOUS MÁIS DOUS IGUAL UN
Nouriel Rubini, o gurú que previu a crise, aseguraba “que unir dúas entidades con problemas é como cando dous borrachos xúntanse para manterse en pé. Ao principio sostéñense apoiándose un no outro, pero cando caen a hostia é tremenda”.
O curioso é que có tema este da fusión das Caixas galegas todo o mundo acaba facéndose as mesmas preguntas... Se houbese unha fusión de Caixa Nova e Caixa Galicia: Onde estaría a sede? Cal sería o nome? Quen mandaría?. Retranca ten a resposta a todas elas : En Compostela, Caixa Popular e Albertiño Núñez Feijoo, sen dúbida ningunha. Nós ademais facémonos unha pregunta que aínda ninguén fixo en ningún medio de comunicación: - Feijoo tamén vai facer unha enquisa aos galegos e galegas que temos os cartos nesas Caixas?...

Pero Feijoo non contaba coa resistencia dos Vigueses que están moi acostumados a sufrir có Celta. O Caballero montou unha folga contra a Fusión e claro na Xunta andan todo có Dodotis posto porque saben que niso de facer folgas os de Vigo tamén son bos de carallo.

Non sabemos se ao final vai haber fusión ou non, pero o único que está claro que isto máis ca unha FUSIÓN parece unha CONFUSIÓN.

Saúdos Retranqueiros
A Santa Inquifusión.

FEIJOO SPEAKING GALLEGUING!!

QUE LINGUA TAN PORCA
Para algúns seica o galego é un idioma malsoante. Se un quere insultar o fai en galego porque o insulto soa peor. Se un di: - Vete a tomar por el culo, a frase soa moito máis fina que se dis: - Vai tomar polo cú. Por iso houbo tantas protestas cando Shin Chan saía na TVG. Agora esos debuxos bótannos en A3 pero ninguén protesta porque Sinosuke di : - Culito, culito (porque parece que estás a dicir Cultito, cultito) pero claro cando saía na tele gaita o condenado berraba: - Cuíño, cuíño (que soa a un curricho durante a matanza) e iso de ensinar aos nenos a dicir CULO en galego é unha porcallada.

Por iso agora Feijoo está empeñado en que os nenos aprendan inglés, para dicir os insultos no idioma finolis de Hollywood. Por iso nas manifestacións contra o Decreto do galego a xente poderá insultar finamente :FEIJOO O DECRETO MÉTEO POLO ASS (Vedes que ben soa!!)

Insultos Retranqueiros,
A Santa Compaña

O HEROE DA CULTURA GALEGA!!!

2010-02-06T06:39:00.000-08:00

Mentras agardas a que cheguen aos quioscos galegos o novo número 24 de Retranca cheo de sorpresas... DESCUBRE AO VERDADEIRO HEROE DA CULTURA GALEGA. Nun video en galego da Coruña subtitulado en Inglés naturalmente... :)

RETRANCA 23. XACOBEO 2010

2009-12-11T05:38:00.000-08:00

TODOS QUEREN PILLAR CACHO!!!

Chegou o Xacobeo 2010 e para uns será a salvación da crise mentres que para outros, como o Pelegrín será a súa fin. Si, damas e cabaleiros, a famosísima mascota do Xacobeo: O Pelegrín (que ía ser resucitado polo novo conselleiro de cultura da Xunta) vai apodrecer no seu cadaleito por falta de cartos para facerlle un lifting rexuvenecedor. Nós entendémolo, a verdade, o becho xa era feo de carallo no 93, así que agora debía de parecer un retrato de Don Manuel pintado por Miró. Sirva polo tanto este número de Retranca coma unha homenaxe á mascota máis fea do mundo que puxo de moda ter Pokemons de mascota en vez de animais.

Pero menos mal que os galegos temos o Ano Santo, agora que nas consellerías non hai un can, todo o mundo acode en masa ás oficinas do Xacobeo porque din que alí teñen pasta. Así que todo quisque se pon a facer películas sobre o camiño, libros sobre o camiño, exposicións sobre o camiño...
Non podían variar un pouco e subvencionar cousas menos repetitivas?. Non sei... podían ser un chisco máis orixinais e vangardistas e subvencionar o "callo" máis grande ou a pústula máis infectada, ou o mochileiro máis cheirento, ou mellor aínda, darlle unha macrosubvención aos que consigan chegar a Santiago en Ave (así matarían dou paxaros dun tiro, fomentarían o Camiño de Santiago e rematarían o Ave dunha puta vez).

O malo é que seguirán a facer o de sempre, uns concertiños da cantante galega esa Carmiña Fulana, unhas exposicións de fotos de peregrinos, filmes peñazo sobre a artrose dun camiñante, que non van ver nin os parentes do director, e mentres os galegos, a facer o camiño da cola do paro... pero claro para esas peregrinacións non hai cartos, estamos en crise.

Saúdos Retranqueiros e felices festas a case todos....
A SANTA COMPAÑA

ATENCIÓN: Neste número Retranca estrea un novo suplemento sobre a situación lingua galega e desvelamos os premiados no Concurso Ortogal!!!... RESERVÁDEO NO VOSO QUIOSCO HABITUAL.

2º CABODANO DE RETRANCA!!!

2009-11-02T07:42:00.000-08:00

Foto: ramón Leiro.

A revista galega de humor Retranca celebrou por todo o alto o seu segundo aniversario, ou como di o seu director, Kiko Da Silva, o seu segundo cabodano, por aquilo de que ninguén lle daba moito tempo de vida. Para celebralo reuníronse no Café Moderno colaboradores e amigos, que asistiron á presentación do novo número e coñeceron as novidades que ofrecerá a partir do vindeiro, como un suplemento de lingua, por suposto, sempre en clave de humor, e as novas series que están a preparar. E con moito humor, Kiko Da Silva fixo un monólogo non exento de retranca, repasando os temas tratados neste ano dende a controversia da lingua ao cambio de goberno, pasando pola gripe A. Tamén presentáronse as camisolas de superheroes retranqueiros, que se poden mercar na web da revista, na librería Paz ou no local de Retranca, ao prezo de 15 euros, e 12 os subscritores. A parte musical estivo a cargo dun trío do Seminario Permanente de Jazz. Para rematar e como non podía ser menos, houbo unha paparota para os asistentes.
Chelo Lago. LA VOZ DE GALICIA (31 de outubro 2009)

Tamén nos fixeron unha gran reportaxe no semanario A NOSA TERRA

Saúdos Retranqueiros dende a tumba,
A Santa Compaña.

COLECCIONA AS CAMISOLAS RETRANQUEIRAS!!

2009-10-29T05:55:00.000-07:00

20.000 VISITAS RETRANQUEIRAS

2009-10-26T07:23:00.000-07:00

Pois si, dende que puxemos o contador de visitas na web de Retranca en Xaneiro do 2009, xa recibimos máis de 20.000 visitas.
E no Facebook que abrimos fai un mes escaso xa temos 1300 seareiros!!! Graciñas a todos por visitarnos na rede!!!

Saúdos Retranqueiros,
A Santa Compaña.

ENTREVISTA NA VOZ DE GALICIA

2009-10-20T02:04:00.000-07:00

Hoxe con motivo do 2º Cabodano da Revista Retranca fanlle unha entrevista en La Voz de Galicia ao noso director Kiko da Silva. Aquí tedes o linck por se queredes lela: Entrevista a Kiko da Silva ( 20-10-2009).

RETRANCA NA MANI DO 18 DE OUTUBRO

2009-10-19T12:04:00.000-07:00

Foto:Ramón Escuredo.
Un dos manifestantes amosando a modo de pancarta a dobre páxina de Kiko da silva publicada na Revista Retranca nº 22.

Retranca tamén foi a mani de QUEREMOS GALEGO!!.
Como mostra a reportaxe de O Correo Galego de hoxe:

Braulio, coa súa pequena de 6 anos no colo, era o retrato doutro perfil de manifestante: o preocupado pola castelanización dos fillos. "Que se a lingua está ameazada? Home, está claro, non fai falta que o diga eu. Non tes máis que mirar para os nenos. Anque llelo fales na casa, pérdese. Á miña filla sempre lle falei en galego e ultimamente case fala máis castelán... É que máis ou menos vaiche estando todo en castelán", lamentaba, deixando claro que "por apoiar a nosa lingua tampouco despreciamos as demais".
A súa preocupación quedaba tamén reflectida nunha chea de pancartas que aludían con humor crítico ás reformas que se prevén para o galego no ensino e á conversión das Galescolas na rede A Galiña Azul, como a que rezaba Gallifante escola: Protéxete contra a GRIPE Galega, ou outra na que aparecía o rostro do conselleiro de Educación, Jesús Vázquez, anunciando que despois da consulta do galego no ensino lles preguntará aos pais sobre que pensan das matemáticas.

RETRANCA na rolda de prensa de QUEREMOS GALEGO El País , Galicia Hoxe, Xornal de galicia, A Nosa Terra , La Voz de Galicia.

2º CABODANO DA REVISTA RETRANCA

2009-10-14T05:51:00.001-07:00

2º CABODANO DA REVISTA RETRANCA.

DATA:30 de outubro 2009

HORA: 8 da tarde

LUGAR: Café Moderno de Pontevedra.

Estades todos convidados!!! haberá pinchiños!!

Saúdos retranqueiros, A SANTA COMPAÑA.

Actualización:

O 2º CABODANO DE RETRANCA NA PRENSA

La Voz de Galicia (15 de outubro 2009)

Galería de portadas de Retranca en La Voz de Galicia

Culturagalega.org (15 de outubro 2009)

RETRANCA 22

2009-10-05T02:53:00.000-07:00

En época de crise os superheroes están sempre de moda. Non, non nos referimos a que nos quedemos todos en calzóns, falamos dos super heroes de verdade, dos que teñen o superpoder de ir á compra para toda a familia con vinte euros, e traen comida e, o máis incrible, traen ata cambio!!!
Ou dos que teñen o poder de seguir confiando en Zapatero a pesar de estaren no paro e levar cinco meses buscando curro.Ou dos que seguen crendo que Feijoo vai salvar ao galego da súa agonía.
Sexamos realistas: os galegos imos aviados. Para un superheroe que tiñamos, van e mándano á cola do Inem. Que a quen nos referimos?... Ao Super Piñeiro, que lle acaban de quitar o seu programa da Telegaita. Para un programa que tiñamos de "cotilleos" na galega, co noso Jorge Javier Vázquez enxebre, van e cámbiannolo por un señor do ano da polca con bigote e abdominais desos de chocolatina (non, non é unha serie de Aznar, é que volven a emitir Magnum).
Recoñezámolo: a crise estanos facendo supermutantes. Agora mercamos marcas brancas nos supermercados, e se teñen super infraprezos, mellor. Buscamos roupa nas super rebaixas e intentaremos chegar a fin de mes a pesar da super subida de impostos. Traballamos super explotados en curros con soldos super birriosos a pesar de termos titulacións de graos
supersuperiores.

E mentres os cidadáns facemos o imposible por ter super poderes para chegarmos a fin de mes, os nosos gobernantes (os que teñen PODER de verdade) seguen agardando a que o SuperObama acabe co problema antes das eleccións. Vale, é certo: os da oposición están desexando que a Kriseptonita acabe antes con ZPman.
Por iso os retranqueiros queremos recordarlles aos nosos políticos unha frase do incrible Spiderman: UN GRAN PODER IMPLICA UNHA GRAN RESPONSABILIDADE. Aplíquena.

Saúdos Retranqueiros,
A SANTA COMPAÑA

ATENCIÓN: En Retranca tamén estamos sentindo o poder da Kriseptonita. Levamos dous anos saíndo mes a mes aos quioscos, algo que para nós xa é superheroico. Pero a caída da publicidade obrigounos a ter que saír cunha nova periodicidade bimestral, con máis páxinas e un super prezo. Non sabemos canto poderemos resistir, pero mentres o corpo aguante seguiremos dando fungueirazos retranqueiros. VOLTAMOS EN DECEMBRO !!!

APADRIÑA UNHA PÁXINA DE RETRANCA!!!

2009-09-30T07:52:00.001-07:00

RETRANCA NA FEIRA FRANCA DE PONTEVEDRA 2009

2009-09-03T10:30:00.000-07:00

Retranca volve a Idade Media!!... non iso non quere dicir que vaiamos a facer a revista en pergamiños, tranquilos. O noso cego medieval (Paco Pernas) vai andar por Pontevedra recitando un cantar Retranqueiro, creado polo escritor Manuel Lourenzo González. Un cantar cheo de escarnio e maldicir sobre a situación política e social galega.

Os asistentes as actuacións poderán seguila e levar de balde o relato, xa que editamos uns pasquíns ilustrados por Víctor Rivas para a ocasión. Este acto está patrocinado pola libería Paz de Pontevedra.

Actuacións:

Venres 4 pola tarde na Zona Vella de Pontevedra

Sábado 5 ao longo do día na Zona Vella de Pontevedra.

Buscade ao cego da Retranca!!!

RETRANCA 21 GUÍA PARA COLLER MICHELÍNS. E NOVO CONCURSO RETRANQUEIRO.

2009-08-18T12:42:00.000-07:00

O VERÁN É PARA ENGORDAR!!!
A famosa Operación Bikini que sae nos telexornais todos os veráns, que consiste en esconder os quilos, e que este ano por cambiar a podían chamar Operación Gürtel. O difícil de verdade é facer dieta veraneando en Galicia, vaias a onde vaias tes terraciñas con marisco e empanada, e milleiros de festas gastronómicas. Vamos que en Galicia moreno non te vas poñer porque moito sol non hai, pero seguro, seguro que volves "morao".
Ademais agora que estamos en crise o de pasar fame xa non está de moda, o síntoma de status social alto e poderoso é estar gordo. Ti vas pola rúa e ves a un gordo e dis: - Recoiro, este come todos os días. Sen embargo ves a un delgado e dis: - Recoiro, este só mEREnda. Por iso este ano xa sabedes, se queredes "chulear" vinde a Galicia a coller MICHELÍNS. Xa o di o refrán: O home e o oso canto máis gordo máis fermoso … e poderoso!
Saúdos Retranqueiros,
A Santa Compaña.

CONCURSO RETRANQUEIRO: PASARATOS ORTOGAL!!!

Atopa no número 21 de RETRANCA todas as faltas ortográficas que encontres, mándanos un email coas correcións a: revista.retranca@gmail.com e os 10 primeiros que nos cheguen entrarán no sorteo dos nosos 3 superpremios:

Debuxo orixinal de CASTELAO 2009 asinado por Kiko da Silva.

Libro de Fito e Pita asinado por Alberto Gutián.

Libro de Jalisia Kaníbal asinado por Luís Davila.

Retranca, a única revista de humor e de pasaratos do mundo... o dobre de entretida!!!

NOTA: Este número é EXTRA porque corresponde ós meses de agosto e setembro de 2009. En setembro non hai número: MARCHAMOS DE VACACIÓNS!!! Vémonos en outubro :-)

ENTREGAMOS O AUDI DE TOURIÑO!!

2009-08-09T12:19:00.000-07:00

O famoso Audi de Touriño xa ten dono: Rubén Callés (de Tomeza, Pontevedra). Veu a buscalo fai uns días ás oficinas de Retranca e estibemos comendo e charlando con el.
Como podedes ver na foto o coche encolleu por mor da chuvia, xa que como non temos garaxeretranqueiro, aparcámolo na rúa.

Deixámovos o linck ao seu blog, xa que dase a casualidade que debuxa cómic e promete moito nisto do debuxo. Podedes ler máis e desfrutar dos seus traballos neste linck .

Saúdos Retranqueiros,
A Santa Compaña.

RETRANCA 20 GALICIA ESTÁ QUENTE!!!

2009-07-25T04:53:00.000-07:00

Galicia está que arde! E non falamos de incendios forestais, que parece que por agora nos respectan, senón de verdadeiros lumes, dos que nos poñen negros, dos que nos friten, dos que nos deixan queimados..
As empresas seguen pechando, medra o paro, as familias non chegan a fin de mes. Por riba, a carencia dun novo Estatuto déixanos sen prato no reparto do pastel estatal, do que nos tocarán as sobras. A economía baila na corda frouxa. Aínda así, nós vemos que os diñeiros públicos corren cara ás arcas dos bancos e das grandes multinacionais, onde se dilúen en destinos insondables. É como botar area ao deserto ou como regar baixo a chuvia; dá para a poesía e para o humor, pero non para o benestar do contribuínte.

E preguntámonos: Que din a isto os rumorosos conselleiros alá polas alturas? Que foi daquela promesa electoral do plan anticrise, a solución estelar que tiña Feijoo para sacarnos do fondo do pozo practicamente sen mollarnos? Vai ser que teremos que seguir dicindo que chove?

Saúdos Retranqueiros,
A Santa Compaña.

ENTREVISTA ALBERTO GUITIÁN NO SALÓN DO CÓMIC DE CANGAS 2009. PODES LELA NO FARO DE VIGO

RETRANCA 19 AFÍLIATE AO CLUBE DA PANDEMIA !!

2009-06-29T02:01:00.000-07:00

GRIPE + ANIMAL = MEDO DE CARALLO!!!

Parece que está de moda que todos os anos teñamos una enfermidade rara que nos meta o medo no corpo. Enfermidades que acollonan de carallo porque sempre van acompañadas do nome dun animal, porque o certo é que se lle añades ao nome de calquera enfermidade o nome dun animal xa veredes como dan moito máis cague… Arrefriado de gorila, lumbalxia de avestruz, cancro de elefante. Por que credes que agora póñenlle nome á gripe coas letras do Abecedario?, pois porque o abecedario só da medo aos ignorantes.

O máis curioso do tema é que, se fai uns anos a famosa gripe do polo curábase cun medicamento chamado Tamiflú, agora resulta que a gripe porcina ou gripe A ou como hostias lle chamen xa, tamén se cura co Tamiflú ese do carallo. Entón isto danos que pensar… que pasa có medicamento ese?, é un milagroso cura todo?, ou o tema ese das pandemias de gripe son só unha escusa para vendernos pastilliñas de cores a prezo de Cristiano Ronaldo?.

Nós polo de pronto, aconsellamos non consumir moitas letras ”A”, non vaian a contaxiarse. Aínda que sinceramente comezamos á crer que a clave de todo isto está no nome do medicamento: TIMAflú.

Saúdos Retranqueiros, A Santa Compaña.

XA TEMOS GAÑADOR DO COCHE DE TOURIÑO!!!

2009-06-26T02:49:00.000-07:00

ENTREVISTAS RETRANQUEIRAS NA REDE

2009-06-05T05:24:00.000-07:00

Aquí tedes dúas reportaxes sobre Retranca e o humor gráfico galego que nos fixeron fai tempo pero estamos seguros que vos van a interesar.

O nacemento da revista RETRANCA en novembro 2007. (TVG): http://video.google.com/videoplay?docid=1454363357811610219

Unha reportaxe sobre o HUMOR GRÁFICO GALEGO (Realizada polos alumnos de Comunicación Audiovisual de Pontevedra): http://www.youtube.com/watch?v=--HU3Ndg2MA&hl=es

Saúdos retranqueiros,

A Santa Compaña.

RETRANCA 18 FEIJOO CONTRA A CRISE

2009-05-25T02:21:00.001-07:00

A case tres meses da incorporación do novo goberno galego, un intrigante misterio paira aínda sobre as nosas cabezas manténdonos na dúbida máis atroz: cales serán as medidas que tomará o presidente Feijoo para se enfrontar á crise que nos embarga e nos condena á hipocondría económica máis brutal?Sabemos que as posibilidades son múltiples.

Podería empezar por rebaixarlles os salarios, dietas, comisión e demais complementos a todos os membros do seu goberno.Poñer á venda a colección de papamóbiles que fomos acumulando e usar os transportes públicos e mesmo gastar solas. A moitos edificios públicos que están infrautilizados habería que darlles usos máis creativos, como montar bingos, festas solidarias, poxas de arte, exposicións tecnolóxicas, criadeiros de galiñas... A Cidade da Cultura daría xogo como complexo residencial para turistas estacionais. Tamén se lles buscarían usos alternativos ás vías do Ave que se van abrindo en tanto este non chega, ás planeadoras confiscadas aos narcos, aos montes onde aínda non hai muíños eólicos, ás vacas que xa non venden leite, ás aves migratorias...

A prometida rebaixa de impostos aos cidadáns máis necesitados tamén sería unha boa medida, o problema é que ten máis de electoral ca de real, polo visto.Comprometida coma sempre co avance e o progreso do país, Retranca ofrece neste número un mangado de propostas que axudarán ao presidente a resolver os problemas máis críticos. Ora ben, para mantermos a nosa independencia e frescura de ideas, vémonos na obriga de rexeitar os cargos que se nos ofrezan no novo goberno galego. O cal non quere dicir que esta vaia ser unha lexislatura sen Retranca.

Saúdos retranqueiros, A Santa Compaña

PRESENTACIÓN FITO & PITA BARCELONA

2009-05-25T01:46:00.000-07:00

FITO & PITA O ÁLBUM!!!

2009-05-17T15:32:00.000-07:00

A partir do día 1 de xuño sairá a venda nas LIBRARÍAS galegas o nº 2 da Colección Retranqueira. O primeiro álbum de Alberto Guitián: FITO & PITA.

O libro recompila algunhas das máis míticas e desternillantes aventuras destos dous vellos marchosos, que saen mes a mes nas páxinas da revista Retranca. Ademáis de historietas inéditas.

Só Retranca podía publicar un álbum así... vellos, drogas, sexo desenfrenado, lobishomes e enxebrismo galego todo xunto!!!

64 páxinas a toda cor por tan só 7 euros. Encárgaoo xa.

Presentarémolo o vindeiro SALÓ DO CÓMIC DE BARCELONA, coa presencia do autor Alberto Guitián, que coma bo galego está emigrado en Barna.

Descargádevos fondo de pantalla e máis cousas ilegais en http://www.matanzos.com/

Saúdos retranqueiros,
A Santa Compaña.

COMUNICADO DO ALCALDE DE MATANZOS:

Estimados amigos, compañeiros e fregueses:FITO & PITA é unha tira cómica dun tal Guitián sobre dous xubilados ( veciños da nosa municipalidade ) embarcados nunha espiral de augardente, festa rachada, drogaína, sexo na palleira, colesterol, vicio e vida disoluta. Estas tiras embrutecedoras (que nunca lería a xente de ben) veñen publicándose na revista galega Retranca e agora se recollen nun libro de alto contido explícito que desde aquí evitamos recomendar. Non obstante, se a vostede lle puidera interesar tan ignominiosa publicación, saiba que se pon á venda o 1 de Xuño en librarías e tendas de BD galegas, e por riba será presentada alén das nosas fronteiras ( para bochorno da nosa Galeguidade ) no vindeiro Saló del Cómic de Barcelona.

Sen outro particular, despídese atentamente,

Xosé Lois Fandiño
Alcalde pedáneo de Matanzos

RETRANCA Nº 17 O ABORTO DO GALEGO

2009-04-20T14:33:00.000-07:00

Año 2009. Las investigaciones históricas han demostrado fehacientemente hasta qué punto en aquella época la entrañable esquina verde que te quiero verde del noroeste ibérico se hallaba sometida a la dictadura de las hordas galleguistas y como su pernicioso influjo había conducido a sus habitantes al hacinamiento lingüístico obligándolos a la práctica de viejas hablas montañesas indígenas totalmente inadecuadas para la vida contemporánea.

Con sus oscuras maniobras, habían conseguido que el mundo de la empresa, sobre todo las grandes compañías, se expresasen exclusivamente en gallego. También los jueces y abogados, los médicos, los comerciantes, los arquitectos, los deportistas y los toreros, hasta los sacerdotes, habían sucumbido al pernicioso influjo del látigo galleguista.
No contentos con ello, las autoridades acabaron por obligar a la ciudadanía a vestir en traje regional, a alimentarse sólo con los productos de su terruño y a beneficiarse en exclusiva de sus riquezas naturales, como la leche, la electricidad, el granito rosa, las maderas, los emigrantes, las verbenas populares y los ricos mariscos.Para asegurar el cumplimiento de las leyes galleguizantes, se había creado un cuerpo especial de vigilancia engebrista: la "galicía".

(A bilingua das peperetas) M. Lourenzo González

Non te perdas esta apaixoante historia e outras cousas na única revista de humor en galego dos quioscos... Vai mercala antes de que se extinga!!!
Á VENDA NOS QUIOSCOS GALEGOS A FINAIS DESTA SEMÁN.

Saúdos retranqueiros,
A Santa Compaña

GAÑA O COCHE DE TOURIÑO !!!

2009-04-02T05:30:00.000-07:00

Xa que Feijoo non quere o coche de Touriño, nós ofrecémosche a oportunidade de levalo para a túa casa. Mándanos por email ou carta unha idea, fotomontaxe ou viñeta humorística expicándonos que farías tí co Audi e a idea máis retranqueira levarase de premio este flamante cochazo blindado.

Envías as túas propostas antes do día 1 de maio á : revista.retranca@gmail.com
Entregaremos as chaves do coche ao gañador/a o 17 de maio.

Saúdos retranqueiros,
A Santa Compaña.

RETRANCA 16 OS PAXAROS !!!

2009-03-23T05:43:00.001-07:00

Por primeria vez as eleccións non as gañaron todos

Efectivamente, por primeira vez cando remataron ás pasadas eleccións galegas, non saíron todos os políticos á dicirnos que gañaran todos. Sorprende esta situación porque ultimamente esa imaxe de triunfalismo a pesar dos resultados era moi común. Agora voltamos a ter perdedores e gañadores. Pero iso é por que nos medios de comunicación distorsionan sempre os resultados, xa que din que o PSOE e o BNG perderon as eleccións. Pero se somos estrictos xornalísticamente falando, non perderon, quedaron segundos e terceiros, e iso non é perder, que nas olimpiadas subirían ao podio e
terían medalla e todo.

O tema é que xa hai un gañador, ou dous porque seica estas eleccións hai quen pensa que non as gañou Feijoo, ainda que pareza mentira hai xente que da por feito que o presidente da Xunta vai ser Mariano Rajoy.

E despois está o que quedou segundo, que xa se foi... e non me estraña, pasar de que todo quisque te faga a pelota a que todo o mundo che critique, che quiten o coche e te voten da casa... é para coller depresión!!!.

E o terceiro o Quin, que con ese anuncio no que os Galegos acabamos dicindo que eramos todos Anxo Quintana, máis que ganas de ir votar danche ganas de saír correndo antes de que te lobotomicen os extraterrestres. Pero mirade como son as cousas da vida, no Bloque antes das eleccións todos eran Anxo Quintana e agora non quere ser coma el nin "Dios".

O certo é que tanto en Galicia coma no País Vasco as eleccións enchéronos o ceo de bichos, en Galicia de Gaivotas e en Euskadi de Porcos voando.

Saúdos Retranqueiros,
A Santa Compaña.

SO PODÍA QUEDAR UN !!!

2009-03-17T09:41:00.000-07:00

ESTA TERRA ERA DEMASIADO PEQUENA PARA OS TRES...SO PODÍA QUEDAR UN

Xa queda pouco... xa está a piques de chegar aos quioscos o número de Retranca máis agardado!!!
Saúdos Retranqueiros
A santa Compaña.

O BIPARTITO EN CHAMAS !!!

2009-03-15T15:26:00.000-07:00

Xa queda menos para que saia a rúa o número 16 de Retranca. Unha análise das eleccións galegas totalmente distinta a todo o que tedes lido nos medios de comunicación "serios". A revista máis caralludamente divertida editada en galego e para os galegos...que tal e como están os tempos co tema da lingua é case un milagre.
Non podes perdela... resérvaa no teu quiosco.
Saúdos Retranqueiros,
A Santa Compaña.

QUE LLE PASA A TOURIÑO E A QUINTANA?

2009-03-12T10:52:00.000-07:00

Por que a Touriño lle cae un ollo? Foi ao ver os resultados electorais do PSOE?... Que está vendo Anxo Quintana que lle produce tanto medo?... Está vendo o seu futuro no BNG ou a Beiras cun zapato na man?... Será certo o rumor que tralas eleccións convertéronse en Zombis... Se queres saber que carallo lle pasa ao Bipartito... busca a resposta a finais da semana que ven nos quioscos galegos!
Saúdos Retranqueiros
A Santa Compaña.

PRÓXIMAMENTE NOS QUISOCOS GALEGOS...

2009-03-09T07:49:00.000-07:00

Estamos rematando o número 16 de Retranca, que vai ser... "de medo". Para ir abríndovos boca, deixámosvos o trailer da que vai ser a mellor crónica das Eleccións Galegas!!!

Á venda nos quiscos galegos a partir do día 18 de marzo reservádeo, que vaise esgotar!!!.

Saúdos Retranqueiros,

A Santa Compaña.

VOTA RETRANCA...!!!

2009-03-02T06:31:00.000-08:00

Non, ainda non nos presentamos ás autonómicas pero visto o de onte estamos a pensalo... Polo dagora podes votarnos como Mellor Revista no SALÓN DO CÓMIC DE BARCELONA 2009.

Vota por nós neste linck. (ate o 25 de marzo)

A RETRANCA GALEGA FOR PRESIDENT .

Saúdos retranqueiros

A Santa Compaña.

YES NÓS CAN!!!

RETRANCA 15 EOLIC INVADERS

2009-02-24T12:15:00.000-08:00

Coma se dunha nova praga do eucalipto se tratase os montes galegos están a ser invadidos por una nova especie arbórea: Os muíños eólicos. Pero curiosamente na mentres estas máquinas de facer enerxía aprovéitanse dos nosos ventos e fortísimos temporais, os galegos estamos a escuras, sen pinga de electricidade e pagando unhas facturas cada vez máis caras. Pero claro, neste momento o importante é dar máis concesións que hai que erguer o país… iso si, de tanto pórlle énlices ás nosas terras, parece que máis que erguelo queren facelo voar.

Nós que o único muíño que temos é o ventilador que enchufamos tan só no verán, estamos pensando en pedir unha concesión eólica, xa que Retranca tamén é un medio de comunicación en galego e nós o somos ao 100% … : P ( o deixamos caer a ver se cola).

Saúdos Retranqueiros,
A Santa Compaña.

(NOTA: O número 16 de Retranca vai cubrir o resultado das eleccións galegas, co cal sairá á venda o 16 de marzo... somos bos pero ainda non somos futurólogos!!!)

O BUS RETRANQUEIRO VOLVE A CIRCULAR !!!

2009-02-19T07:15:00.000-08:00

Aquí tedes o "COMO SE FIXO" a nova campaña publicitaria de Retranca. Estivemos supervisando toda a montaxe onte pola noite dende as 11 ate as 3:30 da noite. E a verdade é impresionante ver traballar a Joni cunha soltura incrible co cutter e o vinilo, menudo peaso de profesional está feito!!!

A anécdota da noite surdiu cando abrimos os vinilos queviñan enrrollados e nos atopamos novamente con isto: ERAN OS DA CAMPAÑA CENSURADA!!!. Menos mal que fumos á supervisar todo, se non hoxe tampouco sairía o bus... (Un dex por certo á empresa de montaxe que rápidamente voltaron a imprimir os vinilos coa nova campaña e os trouxeron a toda leche para que saira o bus ao día seguinte.

Ben pos xa sabedes tedes un bus en Vigo cheo de HUMOR RETRANQUEIRO, buscade o Circular Centro nº 525 e a vixar botando unhas risas.

ENTREVISTA EN KALAIKIA

Saúdos retanqueiros,
A Santa Compaña.

VOLVE A CAMPAÑA DE RETRANCA AOS AUTOBUSES DE VIGO.

2009-02-18T07:44:00.000-08:00

Ademáis da campaña publicitaria a favor da Cultura Galega, Retranca terá unha expo no interior do autobús durante 2 meses que circulará polo centro da cidade Olívica.

O autobús 525 da liña Circular Centro de Vigo, servirá de espazo expositivo da Revista Retranca.
Ademáis de voltar a rúa a Campaña publicitaria da mesma tras a súa polémica retirada.

- A exposición dará comezo mañá xoves e finalizará o vindeiro 19 de abril
- Os viaxeiros poderán contemplar unha selección das portadas máis significativas da revista

Desde mañá xoves 19 de febreiro e ata o vindeiro 19 de abril o autobús 525 da liña Circular Centro de VITRASA servirán de espazo expositivo para a revista de humor galego “Retranca”.
Os viaxeiros que se suban a este autobús poderán contemplar unha selección das portadas e reportaxes máis significativas desta revista cultural.

Retranca
Retranca é a primeira revista profesional de humor gráfico galego e leva nos quioscos máis dun ano. Esta revista foi galardoada no ano 2008 có Premio do Público á Mellor Revista no Salón do Cómic de Barcelona.
Algúns dos colaboradores de Retranca son: Siro, Xaquín Marín, Miguelanxo Prado, Kiko da Silva, Mel, Pinto & Chinto, Pepe Carreiro, Manolo Rivas, Rober Bodegas ou Manuel Lourenzo.

CONCURSO ANUNCIOS SEN CENSURA RETRANCA

Se queredes xogar a poñer anuncios virtuais nun bus... Retranca díceche como!!! ... iso si, vos o poderedes facer de balde e sen censuras de ningún tipo... Hala a divertirse!!Mandádenos ao email da revista as imaxes dos que fagades e publicarémolas no número 16 de Retranca as que nos parezan máis divertidas. ( OS 3 MELLORES PODERÁN GAÑAR UN LOTE DE REVSITAS- CAMISOLA E CHAVEIRO DE RETRANCA!!!)Data límite para recibir os anuncios máis delirantes 28 de febreiro.Fai un anuncio nun bus sen censura!!! PINCHA AQUÍ

ALGÚNS DOS TRABALLOS RECIBIDOS PUBLICADOS HOXE EN LA VOZ DE GALICIA
Para velos e ler a noticia pinchar AQUÍ

A CAMPAÑA CENSURADA NOS BUSES DE VIGO ESTÁ NA SEDE RETRANQUEIRA

2009-02-10T05:22:00.000-08:00

RETRANCA PON NO ESCAPARATE DA SÚA SEDE A CAMPAÑA CENSURADA NOS AUTOBUSES DE VIGO.

A Revista Retranca colocou hoxe día 10 de febreiro no escaparate da súa sede editorial ( Rúa Peregrina nº 9 entrechán, de Pontevedra) a campaña censurada nos autobuses de Vigo.

Ademáis convocou un cocurso na súa web na que os lectores poderán facer e enviar á revista anuncios sen nengún tipo de censura. Con todos os recibidos ( que a día de hoxe xa superan os 50) seleccionaranse os máis retranqueiros e serán publicados no número 16 de Retranca adicado aos resultados das eleccións e que ademáis terá información de todo o sucedido así coma unha cartela coa campaña censurada de agasallo para poñer nos coches particulares dos seus lectores.

Se queres participar preme AQUÍ.

Saúdos Retranqueiros,

A Santa Compaña.

CENSURADA A CAMPAÑA PUBLICITARIA DE RETRANCA NOS AUTOBUSES DE VIGO

2009-02-03T13:55:00.000-08:00

Non temos tanta certeza de se os deuses existen, pero, desde logo, non estaría tan ninguneados como a cultura galega, que esta aquí, con vocación de quedarse e con bastantes chagas abertas como para que calquera persoa que teña perdida a fe poida meter os dedos onde lle pete. Como a especie humana é unha especie que necesita falar e como non todo pode ser fútbol ou deus, poderiamos comezar a falar da cultura galega porque é moito máis bonito falar das cousas que existen.

Isto era o que pretendiamos facer a Revista Retranca e un grupo de creadores galegos coa nosa campaña publicitaria nos autobuses de Vigo. Unha campaña para concienciar á xente que a cultura galega necesita tamén que creamos nela para existir.

Pero esta mañá sucedeu algo incrible, o noso autobús (o Circular Centro) que ía promocionar a nosa publicación e a cultura galega durante 3 meses só estivo na rúa 6 horas, xa que a empresa Vitrasa decidiu quitar a nosa campaña publicitaria do autobús sen darnos ningunha explicación.

Hoxe, a última hora da tarde, recibimos unha chamada de Vitrasa. A explicación que nos deron foi surrealista, ao parecer non queren poñer o noso anuncio porque "recorda" á campaña atea feita nos autobuses de Barcelona.
Claro, como nós falamos de Deuses, igual os Galos de Asterix que viven no castro de Vigo séntense feridos ao ler a nosa publicidade.

Publicidade que como calquera pode ler fala DA CULTURA GALEGA e da pouca importancia que se lle da no noso País e que Retranca quere que se fale máis dela.
Así que a ver se lles queda claro aos señores de Vitrasa que na nosa campaña publicitaria "Dios" non pinta nada.
Mañá temos unha reunión cos responsables da empresa de autobuses, a ver que nos contan.

O que xa temos claro é que A CULTURA GALEGA EXISTE, PERO NON DEIXAN QUE SE ANUNCIE !!!

Saúdos Retranqueiros
A Santa Compaña.

A noticia en
La Voz de Galicia
Vieiros
L-V
Diario de Pontevedra
Chuza
Menéame
Xornal

ÚLTIMA HORA!!! CHEGAMOS A UN ACORDO CON VITRASA

Finalmente, Vitrasa acepta que a campaña continuase nos seus autobuses, con algúns cambios iso sí, Nós decidimos demostrarlles que a nosa campaña non ten ningún interese no debate relixioso como xa lles argumentamos onte. Así, que o máis rápidamente posible, o anuncio volverá circular polas rúas de Vigo, co seguinte lema: Probablemente Zeus non exista. A cultura galega si. Por que non falamos das cousas que existen?

Ademais, segundo anunciou Kiko da Silva (que defendeu que o comportamento da empresa fora bo en todo momento), Vitrasa comprometeuse a facer, dentro dos seus autobuses, unha exposición coas obras e cadriños de Retranca así coma poñer dúas traseiras dos buses coa publicidade da publicación.

Dende Retranca agradecemos o apoio de todos os nosos lectores e lectoras e agardamos poder anunciarvos en breve o día no que poñeremos en marcha a nova campaña e a exposición.

Saúdos Retranqueiros
A Santa Compaña

Pasarratos Retranca.
Se queredes xogar a poñer anuncios virtuais nun bus... Retranca díceche como!!! ... iso si, vos o poderedes facer de balde e sen censuras de ningún tipo... Hala a divertirse!!

Mandádenos ao email da revista as imaxes dos que fagades e publicarémolas no número 16 de Retranca as que nos parezan máis divertidas. ( OS 3 MELLORES PODERÁN GAÑAR UN LOTE DE REVSITAS- CAMISOLA E CHAVEIRO DE RETRANCA!!!)
Data límite para recibir os anuncios máis delirantes 28 de febreiro.

Fai un anuncio nun bus sen censura!!! PINCHA AQUÍ
(Graciñas a Pablo polo link)

RETRANCA Nº 14 REBAIXAS ELECTORAIS

2009-01-17T05:19:00.000-08:00

Xa chegaron as eleccións e esta vez en plena campaña de Rebaixas. Haberá crise tamén nisto das eleccións?, utilizarán os políticos os mesmos carteis electorais de fai tres anos e os mesmos programas de man para aforrar gastos nos partidos políticos?. A verdade se o fixeran non íamos a notar moito a diferenza, total as fotos dos candidatos sempre as pasan polo Photoshop para que non teñan nin unha engurra ou cana máis (nisto Fraga foi un auténtico mestre, rexuvenecíano tanto cada tres anos que, si se presentase nestas eleccións, o seu cartel electoral sería un espermatozoide do seu pai fecundando un óvulo da súa nai).

Por iso, en vez perder o tempo escoitando promesas electorais que despois nunca se cumpren, en Retranca propoñemos que nestas eleccións elixamos ao POLÍTICO MÁIS FEO DE GALICIA (Polo menos que no lo poñan fácil á hora de facerlles as caricaturas).

Saúdos Retranqueiros,
A Santa Compaña.

RETRANCA NA PRENSA SERIA: Galicia-hoxe

CONSEGUE O CHAVEIRO DE RETRANCA !!!

2009-01-11T19:33:00.000-08:00

Consegue este fabuloso chaveiro de Retranca, feito a man con 12 pezas de madeira e cun enganche en coiro, por tan só 3 euros. Escríbenos a revista.retranca@gmail.com e farémoscho chegar a túa casa cos gastos de envío gratis.

Saúdos Retranqueiros,
A Santa Compaña.

NO NADAL AGASALLA RETRANCA !!!

2008-12-22T07:22:00.000-08:00

MERRY CARÍSIMAS!!!

O Nadal achégase, e nós con esta cara de crise global sistémica. Nada será igual este ano. As cidades iluminaranse con bombillas de baixo consumo, nos beléns haberá menos pastores, aínda que todos cos papeis e contrato de traballo en firme, o marisco quedará en paro biolóxico á espera das rabaixas, o turrón parecerá máis duro, os agasallos, menos rumbosos, e a lotaría seguirá ignorándonos tanto coma a ministra Magdalena. Daquela, na fin de ano, acompañaremos cada campanada cunha mala uva de carallo.

Pero non todos viviremos igual as festas, porque digan o que digan, aínda hai clases.
Nun sesudo exercicio de xornalismo de investigación desde "Retranca" pescudamos para coñecer

como viven os famosetes galegos o Nadal nos tempos de cólera. Velaí o noso informe.

Saúdos Retranqueiros e Felices Festas
A Santa Compaña.

E lembrade... NO NADAL AGASALLA RETRANCA, MOITAS RISAS CUN PRECIO ANTICRISE INMELLORABLE!!! SAE MÁIS BARATA CÓS XOGOS DA PLAYSTATION!!!

CHEGA RETRANCA Nº 12 E A EXPO RETRANQUEIRA

2008-11-03T05:19:00.001-08:00

"THE STREET IS OURS"

Hai un ano, moitos profetizaron que esta revista non tiña ningunha vida por diante. Doce meses despois, confirmamos que estaban no certo:
Retranca leva un ano morta, vagando en procesión coas velas nas mans por todos os quioscos galegos.
Esta revista que tes nas túas mans é unha alma en pena, unha alma inmortal (sempre e cando Solbes nolo permita), que está aquí para matarvos a todos de risa.
Este mes celebramos o noso primeiro cabodano, e facémolo cun aquelarre frenético e desenfreado ao que estades invitados todos os que vos unistes á nosa Santa Compaña, as meigas chuchonas, trasgos da imprenta, vampiros bancarios e pantasmas electorais.
No mes de Defuntos, os mortos están de moda. Mentres por aí algúns se dedican a fabricalos, aquí Garzón quere desenterralos.
Despois, están os mortos que están ben vivos, que non hai maneira de tapalos.
Igual que ocorreu con Retranca, nós sabemos dalgún ao que tamén lle profetizaron pouca vida por diante, e por aí o anda, como alma en pena, polo visto inmortal.
Retranca coñece a verdade: ese home non morrerá ata que rematen a Cidade da Cultura, que é o seu mausoleo natural; porque no Panteón dos Galegos Ilustres hai overbooking, e non hai outro sitio onde enterrar tanta grandeza.
Para que non nos esquezamos del, os americanos, expertos en pelis de medo, preparan unha superprodución. Farannos apreciar que don Manuel é o noso Chuachenéguer patrio, e que sen el non existimos como pobo diferenciado.
Fraga, no seu momento, dixo "la calle es mía". Retranca, desde Galicia/Galiza, retruca: "the street is ours".

Saúdos Retranqueiros

A Santa Compaña.

INAUGURAMOS O NOSO PANTEÓN!!

2008-10-31T09:14:00.000-07:00

Pois sí compañeiros, esta mañá xa quedou inaugurado o noso Panteón Retranqueiro. Viñeron almas en pena, pantasmas e esqueletes... e tamén algúns vivos que son os que saen nas fotos.

Incluso viu o alcalde de Pontevedra Miguelanxo Fernández Lores (que se suscribiu en vivo e en directo á retranca... ademais nos demostrou que a pesar de ser médico se lles entende a moi ben letra) e a concelleira Anxos Ribeiro... Isto provocou que todos os xornais da zona se achegasen a fotografarmos coma se fosemos Falete ou Julián Muñoz... así que mañá poñeremos máis fotos!!!

Saúdos retranqueiros,
A Santa Compaña.

ACTUALIZADO: O CABODANO RETRANQUEIRO NOS MEDIOS!!

ESTE VENRES TEDES UNHA CITA EN PONTEVEDRA COA SANTA COMPAÑA!!!

2008-10-27T15:42:00.001-07:00

E ademáis o luns 3 de novembro inauguramos a EXPO RETRANQUEIRA: Lerasnos de morto se non nos les de vivo. Na Galería Sargadelos de Pontevedra ás 8 da tarde.

Saúdos Retranqueiros,

A Santa Compaña.

UN ANO DE RETRANCA !!!

2008-10-07T09:32:00.000-07:00

INCRIBLE PERO CERTO... RETRANCA LEVA XA UN ANO MORTA!!!

Pois si, damas e cabaleiros, fai un ano moitos crían que a Retranca estaba morta e que a nosa revista duraría dous telexornais e aquí nos tedes... con 12 números ás costas, unha chea de subscritores e as mesmas ganas de facer rir aos galegos.
Así que xa sabedes, o vindeiro 31 de outubro, na noite de Samaín tedes unha cita coa Santa Compaña, xa que estades convidados ao Primeiro Cabodano de Retranca (si, a revista Retranca naceu morta así que nada de aniversarios). O acto será en Pontevedra, no Café Moderno da Fundación Caixa Galicia ás 8 da tarde. Prégase ir de loito e co bandullo baleiro (haberá pinchos).

E ademáis desvelaremos a polémica capa do noso nº 12, que ten coma protagonista a un famoso político galego asentado en Madrid que fai un posado para o deleite dos nosos lectores !!!

Ese mesmo día ás 12 da mañá inauguraremos a Sede da Editorial Retranca, na rúa Peregrina nº 9- Entrechán.

GRACIÑAS A TODOS /AS OS QUE FIXECHES POSIBLE QUE RETRANCA SEXA UN AUTÉNTICO MORTO VIVINTE!!

Saúdos Retranqueiros,
A Santa Compaña

RETRANCA Nº 11 O OUTONO CULTURETA !!!

2008-10-06T08:01:00.000-07:00

E, por fin, o outono. A disipación dionisíaca do verán deixa paso ao recollemento, á meditación, á nostalxia. Tempo de lembrar os mortos e de facer o viño para os vivos. Tempo de botar contas, de recuperar a rutina do traballo dignificante e de varrer as follas vellas. Tempo de espiritualidade, tempo de cultura. Pasou o verán e a cultura Vén de camiño.

Conscientes deste ambiente propicio, os eximios representantes da intelectualidade galega reagrupan as súas forzas para continuaren a brava loita por elevar o espírito e a cultura do pobo dos rumorosos. Loitarán desde todas as frontes, desde os bastións das ciencias, as atalaias das letras e as avanzadas a peito descuberto das artes, e contarán co apoio das institucións públicas, que xa sacan as carteiras para o reparto de subvencións ao tempo que espallan anuncios e notas de prensa.

Pero o pobo resistirá. Por moito que nos agridan, nós seguiremos a ter en Luar o máximo referente cultural, no fútbol o espello da nosa conciencia nacional e de clase, e nas boas comidas os alicerces dun futuro liberador. Resistiremos á cultura!

Saúdos Retranqueiros,
A Santa Compaña.

RETRANCA NUMERO 10 !! ULTIMA HORA : SOMOS NOTICIA

2008-08-31T17:17:00.001-07:00

Este ano a Feira da que máis se fala é a da FESTA DA CRISE, pero a pesar de todo estamos de notraboa... Este ano parece que nos libramos das dúas pragas principais das vacacións os incendios forestais e a canción do verán. Inda por riba Retranca pon na rúa un número EXTRA ideal para acompañar os mellores moementos gastronómicos, praieiros e culturais e tamén para gozar coma un marciano quedado na casa.

Que non decaia !!!

NOTA: Este número ten o dobre de páxinas porque corresponde aos meses de agosto e setembro. EN setembro non hai número: A SANTA COMPAÑA VAISE DE VACACIÓNS, ate a primeira semán de outubro.
Saúdos retranqueiros!!!

ÚLTIMA HORA : SOMOS NOTICIA E NOS SEN ENTERARNOS!!!

"O PP cualifica de obscena unha viñeta de «A Retranca», distribuída na praia de Rodeira". Para ler a noticia pica AQUÍ.

Dende a Redacción de Retranca queremos aclarar un par de cousas: Sí a viñeta é obscena, xa que é unha esaxeración satírica para chamar a atención sobre o debate da lingüa... pero máis obscena é a sarta de mentiras que algúns están a dicir da situación actual do galego e o castelán.

Por outra banda aclararlle ao señor Sotelo que Retranca non se fai con cartos públicos. Edítaa unha editorial independente chamada Retranca Editora, que se mantén de publicidade e vendas, non de subvencións. E este número saíu a venda en todolos quioscos galegos no mes de MAIO!!!, precisamente polo galo do Día das Letras Galegas.

Para rematar aclarar que cando un vai ler unha revista de humor satírico coma Retranca ten que saber que non vai atoparse precisamente cun conto de Disney.

Aquí tedes a polémica páxina (premede para ampliar)

Saúdos Retranqueiros,
A Santa Compaña.

EXPO RETRANQUEIRA EN VIÑETAS DESDE O ATLÁNTICO 08

2008-08-06T15:48:00.001-07:00

A semana que ven inauguramos a exposición RETRANCA : LERASNOS DE MORTO SE NON NOS LES DE VIVO. * Sala de exposicións Salvador de Madariaga (Durán Loriga 10) *

Se queres saber por que Retranca mide 22 cm... por que leva 9 meses na rúa facendo rir en galego e sen que os obrigasen os da Xunta!!!... Que tarados están detrás deste invento... NON PODES PERDERTE ESTA EXPOSICIÓN. Máis de 40 paneis nos que dunha maneira didáctica amena e caralludamente divertida, explicamos todos os segredos da nosa publicación. (Inauguración o día 11 de agosto.)

PRESENTACIÓN VIÑETAS DESDE O ATLÁNTICO 2008
Mércores 18:40 Presentación Retranca. (Recinto da Fundación Caixa Galicia.- Rúa Cantón Grande 21- 24 - A coruña)

Máis información: http://vinetasatlantico.blogspot.com/

REVISTA RETRANCA Nº 9 NOS QUIOSCOS!!!

2008-07-21T08:03:00.000-07:00

Retranca chega aos quioscos dándoche as claves para pasar unhas vacacións REALmente bartatas ... cunha chea de páxinas para sobrevivir á CRIS... DESACELERACIÓN VACACIONAL da man dos nosos humoristas (Xaquín Marín, Pinto &Chinto, Leandro, Guitián, Kiko da Silva, Mel, Pestinho+1, Rubiño, Malagón, Kohell, Rei Zentolo, Bernal, Ricardo Peregrina, Diego Ameixeiras, Manuel Lourenzo, Óscar Villán, Jabois, AN, Jero, Xosé Manuel, Luís Davila, Alberto Montt, Andrés Meixide e A Santa Compaña)... E ADEMÁIS UN LIBRO DE 64 PÁXINAS (a toda cor) DA COLECCIÓN RETRANQUEIRA: JALISIA KANÍBAL de Luís Davila!!! POR TAN SÓ 3, 60 EUROS!!!

XOVES 24 DE XULLO (20:00 horas) PRESENTACIÓN DO LIBRO JALISIA KANÍBAL DE LUÍS DAVILA NO SALÓN DO CÓMIC DE CANGAS

NOTA: OS SUSCRIPTORES RECIBIRÁN TOTALMENTE GRATIS O LIBRO DE JALISIA KANÍBAL!!!

ÚLTIMA HORA!!!
ENTREVISTA A LUÍS DAVILA EN FARO DE VIGO: LÉEA AQUÍ

O PRIMEIRO SPOT RETRANQUEIRO !!!

2008-07-07T15:46:00.000-07:00

CRÉDITOS

DIRECCIÓN: KIKO DA SILVA

ANIMACIÓN: DIEGO PUENTES - RETRANCA

GUIÓN, STORYBOARD E DEBUXOS: KIKO DA SILVA - RETRANCA

VOCES, RONQUIDOS E DEMAIS SONS: KIKO DA SILVA - DIEGO PUENTES

RETRANCA ANIMACIÓN PRODUCTIONS 2008

RETRANCA Nº 8 QUEREMOS SER FUNCIONARIOS!!

2008-06-14T08:21:00.000-07:00

Agora que todo quisque se pon de folga porque todo sube menos os soldos... agora que o traballo escasea máis ca nunca... é o momento!!... FAITE FUNCIONARIO!!!

Se o teu soño é pasarte o día na barra dun bar, vendo o partido ou lendo o xornal cunha caña na man...se queres ter un traballo de por vida, con pagas extras, baixas laborais a esgalla e vacacións pagadas, DEIXA DE XOGAR A LOTERÍA, PAILÁN!!... E PRESÉNTATE AS OPOSICIÓNS DA XUNTA!.

AVISO: ESTE NÚMERO DE RETRANCA FOI SECUESTRADO POR UNS CAMIONEIROS PERO PAGÁMOLO RESCATE E CHEGARÁ ESTA SEMANA AOS QUIOSCOS GALEGOS!!

O CONTIDO DESTE NÚMERO CAE NOS EXAMES DAS OPOSICIÓNS ASÍ QUE VAI CORRENDO A RESERVALO SE QUERES SACAR A PRAZA !!!

Saúdos retranqueiros, A SANTA COMPAÑA.

1ª CEA RETRANQUEIRA en Compostela

2008-05-17T11:48:00.000-07:00

O día 16 de maio as 7 da tarde os autores de Retranca estivemos presentando o número 7 e asinando exemplares. Por alí andavamos: Kiko da Silva, Pestinho+1, Jacobo Fernández, An, Luís Davila, Diego Ameixeiras, Rei Zentolo, Camilo Franco (que non sae na foto porque chegou moi tarde) e A Santa Compaña. A presentación foi un éxito e segund nos informan todolos números que levaramos da revista para vender no posto da libraría Couceiro esgotáronse esta mañá as 12 h.

Pola noite aproveitamos e fixemos a Primeira Cea Retranqueira para celebrar o Premio do público do Saló do Cómic de Barcelona. Botamos unhas risas e ata sairon novas ideas para o vindeiro número 8.

Aquí tedes algunhas fotos do acto e a paparota.

Saúdos Retranqueiros,

A Santa Compaña.

RETRANCA Nº 7: AS BOLAS DE GALICIA BILINGÜE!!

2008-05-12T16:22:00.000-07:00

O ESPAÑOL ESTÁ EN PERIGO DE EXTINCIÓN!!!
EXCLUSIVA: OBRIGAN A UN NENO INMIGRANTE A FALAR GALEGO!!!

RETRANCA celebra o Día das Letras Galegas cun número sobre o debate da lingua cheo de polémica. E estamos seguros de que vai dar moito que falar (o que non sabemos se dará que falar en galego ou en castelán). Correde a mercalo antes de que se esgoten!!!

NOTA: ESTE NÚMERO É UNHA EDICIÓN TRILINGÜE, así que non vos queixedes!!!

Saúdos Retranqueiros,
A Santa Compaña.

SEMANA DA LINGUA RETRANQUEIRA 2008

2008-05-09T10:09:00.000-07:00

Para celebrar o Día das Letras Galegas en Retranca decidimos encher os días previos á festa cunha morea de actos Retranqueiros. O noso vindeiro número de Retranca que estará na rúa a vindeira semana entra de cheo no debate BILINJÜE en Galicia. Para converter o día das letras nalgo máis ca un día onde se celebra aos mortos que escribían en galego, nós que estamos tamén mortos (por algo somos A Santa Compaña) queremos celebralo por todo o alto coa Semana da lingua Retranqueira.

LUNA 12 DE MAIO: Celebración de visitas guiadas pola Exposición Retranqueira que se pode ver estes días en Redondela.

XOVES 15 DE MAIO: traslamos a festa a Vigo, onde a libraría Librouro acollerá, ás oito da tarde, unha presentación do número especial de Retranca sobre o debate da lingua.

VENRES 16 DE MAIO: peregrinamos ata Compostela, a libraría COUCEIRO que acollerá unha sesión de sinaturas de autores coma Kiko da Silva, Jacobo Fernández, Andrés Meixide ou Luís Davila ou Pestinho+1 e moitos máis.

VENRES 16 DE MAIO POLA NOITE: Para despois está prevista na mesma cidade a celebración dunha cea entre os autores para conmemorar o Premio do Público que a revista levou no último Saló de Barcelona.

GAÑADORES DO 1º PREMIO CUSPIDIÑOS !!!

2008-05-09T09:40:00.000-07:00

A Santa Compaña e o xurado Retranqueiro reuniuse esta semana para fallar o 1º Concurso Cuspidiños, e na imaxen tedes o resultado. Hai que dicir que a elección non foi fácil xa que os oncursantes eran verdadeiramente moi "cuspidiños" ao debuxo do noso debuxante Vítaro. Pero finalmente cunhas cuncas de viño (todo hai que decilo) e sen axuda dos aparatos americanos eses que escanean os rostros o xurado faiou o premio (ver imaxen).

NORABOA A TODOS/AS... EN BREVE POÑERÉMONOS EN CONTACTO CON VOS PARA FACERVOS CHEGAR OS VOSOS PREMIOS.

Saúdos Retranqueiros, A Santa Compaña.

RETRANCA NO PAÍS DOS ANANOS

2008-05-04T05:11:00.000-07:00

Hoxe, domingo, día 04/05/2008 as 21,22 da noite na TVG.

A viaxe ao país dos ananos achegará hoxe unha serie de reflexións sobre o humor na sociedade e entre as persoas. Se acaso os galegos teñen un humor particular, cal é o humor dos ananos? De que rin? Que os pon de bo humor? Teñen cóxegas? Quen ten peor humor na casa? Que é a retranca? Os nenos contestarán estas e outras preguntas, e irase indagando no concepto do humor coa axuda de Farruco e do humorista gráfico Kiko Dasilva. Tamén visitarán o país dos ananos dúas das cómicas máis queridas polos nenos, que son Dorotea Bárcena e Mariana Carballal (Amadora e Maribel en O Show dos Tonechos). Saber como pensan hoxe os nenos galegos e cal é a súa visión do mundo dos adultos ofrece unha idea de como se irá conformando a sociedade galega do futuro. Cuestións concretas sobre como ven eles o mundo dos maiores serán formuladas pola presentadora, Belén Regueira.

O REI ENTREGA O PREMIO DO PÚBLICO Á MELLOR REVISTA A "RETRANCA", NO SALÓ DO CÓMIC DE BARCELONA !!

2008-04-21T07:41:00.000-07:00

Para a nosa sorpresa e orgullo, queremos anunciarvos que a revista Retranca recibiu no Saló Internacional do Cómic de Barcelona o Premio do Público á Mellor Revista do ano 2007. A Redacción de Retranca quérevos agradecer a todos/as que nos votachedes, xa que sabemos que esta revista só pode existir se vos queredes que siga coa andaina de facer rir en galego. Moitas gracias por esta demostración de apoio e agarimo d@s nos@s lectores e fans (que son lexión, iso nos dixeron os organizadores do Saló que tiveron que contar os votos). Nestes intres, queridos lectores, nos embarga a emoción e só podemos dicir :HEI CARBALLEIRA!!!

SSMM Don Joan Carles Rei de Polonia posa xunto a Ray Harryhausen e o Compañeiro na gala de entrega dos premios do Saló.

RETRANCA Nº 6... SERIES Á GALEGA !!

2008-04-08T18:15:00.000-07:00

Guionistas exacerbados crean a serie total:
MADRE CASARES... CON TETAS SI HAI PARAÍSO !!!

Seguro que algunha vez vos preguntásteis: como serían as series americanas se se fixesen na Telejaita?... Imaxinades que "PADRE CASARES" fora "PADRE ROUCO"?... E se o Jack Bauer, o prota de 24 chegase ao aeroporto de Lavacolla para evitar que uns perigosos terroristas islámicos enchan o famoso botafumeiro de ántrax?... Imaxina "Mujeres desesperadas" á galega, unha serie das peripecias sexuais máis quentes da Costa da Morte... AS LERCHAS DA RIBEIRA!!!.

TODO ISTO É MOITO MÁIS EN RETRANCA... A REVISTA QUE NUNCA LERÁ PAQUIRRÍN.

MERCA A 6ª TEMPADA DA RETRANCA, A VENDA NOS QUIOSOCOS GALEGOS!!!

NOVO BLOG DE TEMAS DE HOXE!!

2008-03-28T13:15:00.000-07:00

Ola amigos! Os nosos colaboradores de "lujo" Leandro e Guitián acaban de poñer en marcha a versión dixital de TEMAS DE HOXE, a mundialmente aclamada serie de humor fino e elegante que se publica na revista galega Retranca. Convidamos aos nosos lectores e fans - que son lexión - a visitar Temas de Hoxe en liña e deleitarse cos nosos contidos exclusivos: Avances das nosas entregas, regalos, segredos da serie e un palé de caralladas e sorpresas casposas á par que chispeantes... E sen máis, amigo lector...arrincamos!!

CUSPIDÑOS O 1º CONCURSO RETRANQUEIRO!! TERCEIRO ROUND

2008-03-28T13:09:00.000-07:00

A última foto finalista da primeira edición de
CUSPIDIÑOS! mándanola Fátima (que non
sabemos onde vive, cousas do interné):

"Mándovos a foto dun amigo do meu irmán,
un guitarrista de puta madre. A foto non é moi
boa porque foi feita co móbil. O pobre non sabía
de que ía o conto cando lle mandei coller o
periódico para facerlla, he he."

O detalle do xornal non deixa dúbidas: ESTA
RAPAZA SECUESTROU O GUITARRISTA E
TENO RETIDO NUN BAR. Fátima, non está ben
raptar amigos do teu irmán para montarte no
dólar. Ademais, co rescate que che podemos
dar non che ía dar nin para recargar o móbil.
Iso si, o colega leva moi ben o secuestro, é o
que che teñen os bares..

Moi pronto desvelaremos o primeiro gañador de CUSPIDIÑOS!
Estade atent@s ao noso web: www.revistaretranca.com

RETRANCA Nº 5 XA CHEGA O CAMBIO CLIMÁTICO !!!

2008-03-14T10:54:00.000-07:00

RECOMENDADO POLO "PRIMO" DE RAJOY!!

Porque agora chove tan pouco que xa nin mexan por nós...

Mercaa e descubre o futuro que nos espera. Corre a encargala ao teu quiosco máis cercano antes de que as merque todas Al Gore!!

RETRANCA NA BIENAL IX DA CARICATURA DE OURENSE

2008-03-06T04:02:00.000-08:00

Hoxe comezou a novena edición da Bienal da Caricatura de Ourense na Casa da Xuventude, coa entrega de premios do concurso galego de caricaturistas noveis e a inauguración da mostra Homenaxe ao Carrabouxo no Edificio Politécnico do Campus. E como non Retranca tamén estará alí, por partida dobre: cunha exposición das páxinas da nosa revista no Edificio Politécnico do Campus e cunha presentación do noso nº 5 na libraría Torga o venres 7 de marzo as 12 da mañá.

Tamén se inaugurará esta tarde a exposición monográfica do colombiano Omar Figueroa Turcios, na propia Casa da Xuventude. Por último, ás oito e media da tarde o Museo Municipal será escenario da presentación da exposición de caricaturistas galegos, que reúne a 26 autores entre os que están os Retranqueiros: Miguelanxo Prado, Xaquín Marín Pinto e Chinto, Leandro, Guitián, Luís Davila e Kiko da Silva.

Vémonos nas Burgas!!!
Lerasnos de morto se non nos les de vivo!!!
A santa Compaña

PRESENTACIÓN RETRANQUEIRA NO LOCAL ATURUXO EN BOIRO!!

2008-02-27T14:48:00.000-08:00

O vindeiro sábado 1 de Marzo presentamos o nº 4 da Revista Retranca ás 20h en Boiro, no local Social Aturuxo. Estará o noso dire Kiko da Silva, para desvelar as novidades do nº 5 que xa está en imprenta.

Non faltedes!!! Saúdos Retranqueiros A Santa Compaña.

VEN NAMORARTE DE RETRANCA O DÍA 15 A MARÍN !!!

2008-02-13T10:14:00.000-08:00

O venres 15 de febreiro presentamos no Museo Manuel Torres de Marín o nº 4 de Retranca ás 8 da tarde. Se queres sorprender á túa parexa, ven coñecer o agasallo que lle fará máis ilusión ca un ramo de rosas ... ESTE SAN VALENTÍN AGASALLA RAMOS DE REVISTAS RETRANCA !!!

RETRNACA Nº 4 ENTROIDO ELECTORAL !!

2008-02-11T08:44:00.000-08:00

QUEN DIXO QUE O ENTROIDO XA REMATOU?... Diso nada, acaba de comezar o entroido máis divertido: O ENTROIDO ELECTORAL!!!, neste número ate os curas se disfrazan de políticos, porque este ano A IGREXA QUITA A MÁSCARA!!!

Nos quioscos galegos a finais desta semana (se a folga de transporte non no lo impide claro, crucemos os dedos e as orellas se fai falla!!!)

Saúdos Retranqueiros A Santa Compaña

VOTA RETRANCA !!!

2008-02-09T10:57:00.000-08:00

Xa estamos en plena campaña electoral así que RETRANCA PÍDECHE O VOTO!!!

Non, non queremos facerlle a competencia ao obispos nin a Rajoy ou Zapatero... é que xa están abertas as votacións populares do Saló do cómic de Barcelona... e os Retranqueiros pedimos o voto como única revista mensual galega!!!... O prazo está aberto ate o 10 de marzo.

Xa sabedes VOTARASNOS DE MORTO SE NON NOS VOTAS DE VIVO!!!
Para execer o teu dereito democrático pincha AQUÍ.

Saúdos Retranqueiros A Santa Compaña candidata do Partido Retranqueiro Galego.

PRESENTACIÓN RETRANCA Nº 4 EN MARÍN!!!

2008-02-07T12:38:00.000-08:00

ÚLTIMA HORA: O acto de hoxe queda aprazado por mor de que o noso director Kiko da silva tivo un susto médico esta mesma tarde, disculpade o plantón, en canto se nos recupere o dire informaremos a nova data de presentación en Marín. Graciñas a todos/as.

Saúdos Retranqueiros, A Santa Compaña

Mañá venres 8 de febreiro presentamos no Museo Manuel Torres de Marín o nº 4 de Retranca ás 8 da tarde. Se queres descubrir que tema imos detrozar coas nosas plumillas uns días antes de que chegue a nosa revista aos quioscos galegos non faltes!!!

Saúdos Retranqueiros, A Santa Compaña.

"CUSPIDIÑOS" O 1º CONCURSO RETRANQUEIRO !!! 2º ROUND

2008-02-06T16:33:00.000-08:00

Xa temos segundo concursante "CUSPIDIÑO" para o noso 1º Concurso Retranqueiro, envíanolo Lucía Vazquez Lorenzo de A Coruña (Ler con "L" se es Paco Vazquez):

"Aqui vos mando unhas fotos dun colega que como vedes é bastante cuspidiño.Tamén aproveito pra felicitarvos pola vosa revista é fantástica e como nunca se sabe por se gano gracias o meu amijo mandovos a miña dirección" (NOOON ESTOS DATOS NON OS PUBLICAMOS, PARA CONTACTOS XA TEDES O MEETIC´S ESE DE MARRAS!!)

SERÁ ESTE O NOSO CUSPIDIÑO... ¿VOS QUE OPINADES?

Saúdos Retranqueiros, A santa Compaña.

RETRANCA EN LA VOZ DE GALICIA!!!

2008-01-26T16:54:00.000-08:00

Pincha enriba da imaxe para agrandar...

ARTIGO SOBRE RETRANCA DE MANUEL JABOIS

2008-01-24T13:56:00.000-08:00

MANUEL JABOIS publica hoxe no gratuito De Luns a Venres un artigo sobre Retranca:

O meu avó pedía sempre unhas poucas ostras no porto de Sanxenxo, e cando lle traían a factura dirixíase a min sen mirar ao camareiro: "Lévame ao médico que debín tragar as perlas". No bar da Terraza, unha parella collía o xornal e dicía ao chegar ás esquelas: "Hostias, mira cantos marcharon onte de vacacións". E Julio Camba definíase cunha frase: "No me tome usted demasiado en serio ni demasiado en broma". A retranca é unha paisaxe.

No blog de Uzuzuz atopo a anécdota que relata Manuel Rivas de Einstein e o seu chofer galego que o leva a unha conferencia. Acordan polo camiño cambiar os papeis, e ao acabar de ler un científico faille unha pregunta ao galego, que non muda a cara: "Mire, esa dúbida que vostede ten é tan parva que lla vai responder o meu chofer". Esa paisaxe, esa sintaxe do humor tan propio ten desde hai tres meses unha casa de acollida: a revista Retranca, que dirixe o pontevedrés Kiko da Silva. O proxecto é unha heroicidade: non se aceptan subvencións e a publicación ten que facerse oír nos quioscos no barullo editorial, entre rechamantes mulleres e demais apostas dos grandes grupos. Pero paga a pena: para os que a fan e para os que a mercan. Retranca, chea de tantos nomes propios como talento, é hoxe a herdeira dunha forma de ver a vida que ten tanto de humor como de filosofía.

Xa temos un concursante CUSPIDIÑO!!!

2008-01-17T18:36:00.000-08:00

Acabamos de recibir na redacción o primeiro concursante do noso concurso CUSPIDIÑOS!, e a verdade parécese bastante o tipiño da caricatura, a foto no la envía Enrique Riveiro que nos dí:

Non son eu, é o ex-mozo da miña moza, vive en Barcelona, e penso que, pese a non ter un libro na man, a "mariconera" fai a función tan ben ou mellor que este.
E si, a imaxe reproduce os feitos, é moi friki.

O que nos preguntamos nós é... se gañas ¿vaslle agasallar a caricatura ao ex da túa moza?

"CUSPIDIÑOS" O 1º CONCURSO RETRANQUEIRO!!!

2008-01-14T15:11:00.000-08:00

RETRANCA Nº 3 ESPECIAL AVE CHU, CHU!!! UN NÚMERO DOBARRISTA

2008-01-12T14:14:00.001-08:00

O número 3 de Retranca chegará eta semana aos quisocos. Un número adicado a Ministra dos buracos de Barcelona Dora, a tuneladora... que nos fixo unha visita aos galegos esta semana pasada para deixarnos moi claro que a Lei de Memoria Histórica non serve para nada... xa que seguimos sen verlle nin unha pluma ao AVE!!... UN NÚMERO VELOZ PARA LER AMODIÑO, E SEN INFLACCIÓN NO SEU PREZO!!!

CORREDE AO VOSO QUISOCO MÁIS CERCANO A ENCARGAR A RETRANCA!!!

Entrevista na Voz de Ourense

2008-01-12T02:56:00.000-08:00

Podedes ler a entrevista que fixeron ao noso director Kiko da Silva na edición de Ourense de La Voz de Galicia, graciñas a todos os que vos achegáchedes onte pola livraría Torga. Podedes acceder a ela pinchando AQUÍ.

Saúdos retranqueiros
A Santa Compaña.

OURENSE ENCHESE DE RETRANCA !!!

2008-01-10T15:16:00.000-08:00

O venres 11 de xaneiro na Livraría Torga ás 6 da tarde, estaremos presentando o número 3 de Retranca que acaba de sair de imprenta e que chegará aos quioscos galegos a vindeira semana.

Se queredes descubrir cal é a nosa nova portada, cal é o noso novo concurso e ademáis levar uns exemplares asinados polo humoristas ourensás Heitor, Carvalho e Paco Paradelo... máis coñecidos polo colectivo PESTINHO+1, ou unha borrancho perpetrado polo noso director e debuxante Kiko da silva, non faltedes á cita. ¿Que como nos coñeceredes?... Fácil seremos os que máis Retranca levemos enrriba... có permiso do Carrabouxo, claro!!

Saúdos Retranqueiros

A Santa Compaña.

ENTREVISTA NA VOZ DE AROUSA

2007-12-29T13:44:00.001-08:00

(Foto: Roi Fernández)

Onte estivemos presentando Retranca en Cambados, foi unha presentación chea de sorpresas e de público. Tivemos música en directo, tradicional, proxeccións de imaxes da revista en pantalla xigante e un par de cantigas que nos agasallou o libreiro Ramón Domínguez coa súa guitarra. Moitas sinaturas e moito calor humán. E risas a esgalla na presentación e na proxección das xeniais curtas dos amigos de Chourizo films. Fotos no Web: unhagrandechea

Calor human tamén o que nos deron os amigos de Ribadabia (e falta que facía porque ese día estabamos a -4 graos) que nos recibiron con moito agarimo e interese, e celebraron con nós a saída do nº 2 e a primeira Exposición Retranqueira, que en breve seguirá a súa xira por Galicia.

Temos que agradecervos a todos/as os que vos estades implicando na promoción de Retranca e a gran acollida dos lectores e e o ánimos recibidos por mail, sms, e en persoa... os comezos son duros pero así fanse máis levadeiros.

Graciñas de verdade. Saúdos retranqueiros e feliz ano novo de todo o equipo de Retranca.A Santa Compaña.

Se queredes ler a entrevista que en LaVoz de Arousa lle fixeron a Kiko Da Silva, director e editor de Retranca, pinchade AQUÍ.

CALENDARIO RETRANQUEIRO SOLIDARIO

2007-12-28T09:05:00.001-08:00

O vindeiro mes de xaneiro Retranca sacará a venda un producto pioneiro en Galiza (Galicia), un Calendario de debuxantes galegos en pelotas. A idea xurdiu pola iniciativa do debuxante Manuel Bartual, que fixo un calendario con autores nacionais, e nós unímonos a esta gran iniciativa en solidariedade cos nosos compañeiros de profesión Manel e Guillermo, unha maneira de denunciar a nosa disconformidade coa sentencia do pasado martes 13 de novembro en relación ao secuestro do nº 1573 da revista El Jueves.
Os cartos recaudados destinaranse a axudarlles a pagar a multa imposta por inxurias á Coroa.

Os 12 debuxantes que cederon o seu corpo para esta nobre causa son Kiko Da Silva (que podedes ver na foto ilustrando o mes de abril), Alberto Guitián, Leandro, Pinto& Chinto, Xaquín Marín, Victor Rivas, Luís Davila, Pestinho+1, Jacobo Fernández, Andrés Meixide, Kohell (Fernando Iglesias) e Miguelanxo Prado.

Sairá a venda en tódolos quioscos da nosa terra ao módico prezo de 10 euros o exemplar, pero xa o podedes reservar dende a páxina que habilitamos para a ocasión. Pincha AQUÍ. Correde que se esgotan!!!

PRESENTAMOS RETRANCA EN CAMBADOS

2007-12-28T04:11:00.001-08:00

Como non podía se doutro xeito Retranca fai outra presentación o 28 de decembro, día dos Santos Inocentes (Que digo eu, se había santos incocentes, entón existen os SANTOS CULPABLES?) ...
SERÁ EN CAMBADOS NO AUDITORIO DA XUVENTUDE AS 21 HORAS.
NON FALTEDES, ISTO NON É UNHA INOCENTADA!!!
(Iso non quita que durante o acto fagamos algunha!!!)

Saúdos retranqueiros, e feliz entrada de ano (ceos!!, que mal sona isto)
A Santa Compaña.

RETRANCA Nº2 XA ESTÁ NOS QUIOSCOS!!!

2007-12-04T13:56:00.000-08:00

O nº 2 de RETRANCA xa está nos quioscos galegos!!!

Iso sí o novo nº 2 chega con novidades, 8 páxinas máis do xornal que mellor limpa o chan: A NOSA PEDRA, unha nova sección do debuxante chileno Alberto Montt, un seguimento a fondo da Comisión de Investigación da Cidade da Cultura e todalas túas series preferidas, TODO POLO MESMO PREZO!!!

NON QUEDES SEN ELA, RESÉRVAA NO TEU QUIOSCO!!!

PRESENTACIÓN E INAUGURACIÓN DA 1ª EXPORETRANQUEIRA

EN RIBADAVIA (OURENSE)

Se queredes coñecer máis cousas desta revista non podes faltar a a presentación deste nº 2 e asistir á inauguración da Primeira EXPOSICIÓN RETRANQUEIRA, tedes unha cita o Domingo 16, as 18 h no Café Paz Alhama na rúa Tres mesones nº12 de Ribadavia (Ourense).

Tamén vos deixamos cunha noticia da nosa presentación na Libraría Couceiro en Compostela, na nova web de A nosa terra. Pinchade AQUÍ.

(Actualizado o 13/12/07)

RETRANCA NA MURALLA DE LUGO!!

2007-12-04T10:53:00.000-08:00

O vindeiro venres 7 de decembro Retranca visitará a terra do polbo, para presentar o nº 2 da nosa revista, que ven con ganas de producir sorrisos de orgasmo !!!.

Se queres mercar a revista, ou charlar co director e debuxante Kiko da Silva, achégate as 8 da tarde pola Galería Sargadelos de Lugo.

A Santa Compaña estarate agardando!!!