sábado, 25 de julio de 2009

RETRANCA 20 GALICIA ESTÁ QUENTE!!!



Galicia está que arde! E non falamos de incendios forestais, que parece que por agora nos respectan, senón de verdadeiros lumes, dos que nos poñen negros, dos que nos friten, dos que nos deixan queimados..
As empresas seguen pechando, medra o paro, as familias non chegan a fin de mes. Por riba, a carencia dun novo Estatuto déixanos sen prato no reparto do pastel estatal, do que nos tocarán as sobras. A economía baila na corda frouxa. Aínda así, nós vemos que os diñeiros públicos corren cara ás arcas dos bancos e das grandes multinacionais, onde se dilúen en destinos insondables. É como botar area ao deserto ou como regar baixo a chuvia; dá para a poesía e para o humor, pero non para o benestar do contribuínte.

E preguntámonos: Que din a isto os rumorosos conselleiros alá polas alturas? Que foi daquela promesa electoral do plan anticrise, a solución estelar que tiña Feijoo para sacarnos do fondo do pozo practicamente sen mollarnos? Vai ser que teremos que seguir dicindo que chove?

Saúdos Retranqueiros,
A Santa Compaña.



ENTREVISTA ALBERTO GUITIÁN NO SALÓN DO CÓMIC DE CANGAS 2009. PODES LELA NO FARO DE VIGO

1 comentario:

kingallino dijo...

A que está liando Pepeye...
Haberá que pasar coma sempre por Paz a pilla-lo número.

Saudos.